...Rusiyanın bir sıra islah müəssisələrində məhbusların təxminən yarısını xarici vətəndaşlar təşkil edir.
SİA xəbər verir ki, "Kommersant" qəzetinin məlumatına görə, bunu ədliyyə nazirinin müavini Yelena Ardabyeva bildirib.
Onun sözlərinə görə, Orta Asiya ölkələrindən olan şəxslər Mordoviya, Tatarıstan, Krasnoyarsk və Perm diyarlarında həbsxanalarda məhkumların ümumi sayının təxminən 48 faizini təşkil edir.
Oxşar vəziyyət ölkə üzrə Federal Penitensiar Xidmətin (FSIN) 15 digər müəssisəsində də mövcuddur.
Ardabyeva qeyd edib ki, bu məhbusların əhəmiyyətli bir hissəsi ekstremist ideologiyaya sadiqdir.
Bu məsələni həll etmək üçün hakimiyyət orqanları qanunvericilikdə dəyişikliklər ediblər.
Yeni qaydalar müəyyən kateqoriyalı məhkumların başqa bir həbsxanaya köçürülməsini tələb etmək hüququnu məhdudlaşdırır.
Dövlət Duması tərəfindən artıq təsdiqlənmiş qanun layihəsi məhkum miqrantların müxtəlif müəssisələr üzrə bərabər paylanmasına imkan verəcək.
Federal Penitensiar Xidməti bu cür şəxslər üçün həbs yerini müstəqil şəkildə müəyyən etmək səlahiyyətinə malik olacaq. Bu tədbir terrorizm və ekstremizmdə məhkum edilmiş şəxslərin bir həbsxanada və ya koloniyada kritik şəkildə cəmləşməsinin qarşısını almağa yönəlib.
Əli Babayev
Bütün xəbərlər Facebook səhifəmizdə
USD
EUR
GBP
RUB
