...Cümə axşamı günü Avstriya parlamenti 14 yaşdan kiçik qızların dövlət məktəblərində baş örtüyü taxmasını qadağan edən qanun layihəsini böyük səs çoxluğu ilə təsdiqlədi. Ölkənin mühafizəkar hökuməti, immiqrantlara qarşı əhval-ruhiyyə dalğasında, "qızları zülmdən qorumaq" zərurətini əsas gətirərək bu təşəbbüsü irəli sürdü.
SİA xatırladır ki, bu, ilk belə cəhd deyil: 2019-cu ildə tətbiq edilən ibtidai məktəblərdə baş örtüyünə qoyulan qadağa əvvəllər Konstitusiya Məhkəməsi tərəfindən ləğv edilmişdi. Buna baxmayaraq, hökumət yeni qanunun konstitusiyaya uyğun olduğunu iddia edir.
Səsvermədən sonra yalnız müxalifət Yaşıllar Partiyası qanuna qarşı səs verdi.
İnteqrasiya naziri Klaudiya Plaxolm bildirib ki, "bütün İslam baş örtüyü formalarını" əhatə edən qadağa 2026-cı ilin sentyabr ayında tədris ilinin əvvəlində tam qüvvəyə minəcək. Qaydaları dəqiqləşdirmək üçün fevral ayında sınaq müddəti başlayacaq və bu müddət ərzində heç bir sanksiya tətbiq olunmayacaq.
Lakin valideynlər təkrar pozuntulara görə 150 avrodan 800 avroya qədər cərimə ilə üzləşəcəklər.
Rəsmi məlumatlara görə, yeni qanun təxminən 12.000 müsəlman qıza təsir edəcək.
Avstriyadakı insan haqları təşkilatları qanun layihəsini tənqid edərək, onun xüsusilə müsəlman dini ayinlərini hədəf aldığını qeyd etdilər.
Lakin bu tənqid hakim çoxluq tərəfindən qəbul edilmədi, Avstriyanın ifrat sağçı Azadlıq Partiyası isə qadağanı qeyri-kafi hesab etdi və bütün şagirdlərə, müəllimlərə və digər məktəb işçilərinə şamil edilməsini tələb etdi.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
