...Kreml lideri Vladimir Putin beynəlxalq ictimaiyyətin artan təzyiqi altındadır və Fransa xarici işlər naziri Jan-Noel Barrotun sözlərinə görə, hərbi əməliyyatların dayandırılmasına razılaşmaq məcburiyyətində qalacaq.
Əks halda, Rusiya əlavə, daha sərt sanksiyalarla üzləşə bilər. SİA-nın məlumatına görə, diplomat bu açıqlamanı La Tribune qəzetinə verdiyi şərhdə bildirib.
Barrot qeyd edib ki, Putinin Cenevrədə keçirilən görüşlərdə müzakirə edilən Donald Trampın yenilənmiş sülh təklifinə qulaq asması üçün ciddi səbəbləri var.
O, Rusiya ordusunun döyüş meydanındakı uğursuzluqlarını Moskvanı danışıqlara sövq edən əsas amillərdən biri kimi qeyd edib.
Nazir Rusiyanın çəkdiyi böyük itkilərə diqqət çəkib.
...Rusiya ordusunun Ukraynanın şərqində millimetr-millimetr irəliləməsi insan həyatına böyük zərbə vurur: hər gün cəbhədə 1000-dən çox rus əsgəri öldürülür, - Barrot deyib.
O, Rusiya hakimiyyətinin Ukraynanın daxili ərazilərində mülki hədəflərə kütləvi hücumlar edərək cəbhədəki uğursuzluqlarını gizlətməyə çalışdığını, beynəlxalq humanitar normaları və müharibə qaydalarını pozduğunu vurğulayıb. Barrotun sözlərinə görə, Moskvanın yalnız iki variantı var: müharibədə fasiləyə razılaşmaq və ya yeni sanksiyalar dalğası ilə üzləşmək.
...Vladimir Putin atəşkəsə razılaşmalı və ya Rusiyanın iqtisadiyyatını tükəndirəcək yeni sanksiyalarla, eləcə də Avropanın Ukraynaya artan dəstəyi ilə üzləşəcəyini qəbul etməlidir, - deyə Fransa xarici işlər naziri yekunlaşdırıb.
Əli Babayev
Bütün xəbərlər Facebook səhifəmizdə
.jpg "Ramiz Mehdiyevə arxalanan Məmurlar Kimlərdir? - İÇİMİZDƏKİ QURDLAR!")
USD
EUR
GBP
RUB