HƏMAS-ın siyasi bürosunun sədri İsmayıl Haniyə İsrail qüvvələrinin yaraladığı jurnalistə göstərilən qayğıya görə Türkiyə və Anadolu Agentliyinə təşəkkür edib. SİA bu barədə Tükiyə saytlarına istinad edir.
İsmayıl Haniyə Qəzza zolağında keçirilən nümayişlərə İsrail əsgərlərinin müdaxiləsi zamanı yaralanan və müalicə üçün İstanbula gətirilən fələstinli fotojurnalist Əşref Əbu Əmranı Başakşehir Çam və Sakura Şəhər Xəstəxanasında ziyarət edib.
Əbu Əmranın səhhəti ilə bağlı məlumat alan İsmayıl Heniyyə ona tezliklə sağalmasını arzulayıb.
İsmayıl Haniyyə deyib:“Qəzza zolağında keçirilən nümayişlər zamanı vəzifəsini yerinə yetirərkən yaralanan Əşrəf Əbu Əmrənı qəbul edib ona tibbi yardım edən Türkiyə və Anadolu Agentliyinə minnətdarlığımı və təşəkkürümü bildirirəm”.
İsrail ordusunun beynəlxalq hüquq normalarını pozmağa davam etdiyini ifadə edən İsmayıl Haniyə deyib: "İsrailin hücumları nəticəsində çox sayda media işçisi və jurnalist şəhid oldu və yaralandı. Bu onu göstərir ki, media nümayəndələrinin dünyaya təqdim etdiyi həqiqətlər İsraili narahat edir''.
"Jurnalist qardaşımız Əşrefin səhhəti yaxşıdır, əhval-ruhiyyəsi də yüksək idi. Onun vəziyyətini izləyən bütün tibb işçilərinə və Türkiyədəki qardaşlarımıza təşəkkür edirəm" deyən İsmayıl Haniyə Qəzza zolağında nümayiş keçirən fələstinliləri qürurla salamladığını bildirib.
Bütün xəbərlər Facebook səhifəmizdə
USD
EUR
GBP
RUB