“Say Hallelujah” mahnısı bəşəriyyəti terrora son qoymağa səsləyir

Bakı Şəhər Mədəniyyət Baş İdarəsinin Tofiq Quliyev adına 17 nömrəli onbirillik musiqi məktəbinin şagirdi, Prezident təqaüdçüsü, beynəlxalq müsabiqələrdə ölkəmizi layiqincə təmsil edən gənc istedad Fidan Hüseynova və “Eurovision” mahnı müsabiqəsinin ulduzu Elnur Hüseynov Ermənistanın Gəncədə törətdiyi terror aktları barədə klip çəkiblər.

İdarədən SİA-ya bildirilib ki, Ermənistan silahlı qüvvələrinin Gəncəyə atdığı raketlər nəticəsində dinc sakinlərin ölümü və balaca uşaqların həyatını itirməsindən təsirlənən Fidan valideynləri ilə hadisə yerinə gedib. Gördüyü dəhşətlər kövrək qəlbinin əks-sədasına çevrilib və gənc istedadımız Elnur Hüseynovla birlikdə dünya ictimaiyyətinə səslənərək “Say Hallelujah” mahnısını ifa edib.

Mahnıya çəkilmiş videoklip Fidan Hüseynovanın rəsmi “YouTube” kanalında təqdim edilib və açıqlamada Gəncədə törədilən hadisələr haqqında məlumat verilərək insanlara terrora son qoymaq çağırışı edilib.

Bütün xəbərlər Facebook səhifəmizdə

loading...