Kitabxana “Qarabağ mədəniyyətimizin beşiyi” adlı layihəyə qoşulub

Bakı Şəhər Mədəniyyət Baş İdarəsinin Xəzər rayon Mərkəzləşdirilmiş Kitabxana Sisteminin 2 nömrəli filialı Mədəniyyət Nazirliyi tərəfindən həyata keçirilən “Qarabağ mədəniyyətimizin beşiyi” adlı layihəyə qoşularaq mədəni irsimizə qarşı vandalizm aktları, əzəli yurd yerlərimizdəki abidələr, tarixi həqiqətlərin yerli və dünya ictimaiyyətinin diqqətinə çatdırılması üçün Azərbaycan və rus dillərində hazırlanan məlumatları və videoçarxları təqdim edəcək.

İdarədən SİA-ya bildirilib ki, təbliğat materialları kitabxananın “Facebook”, “Instagram”, “Twitter” səhifələrində və “YouTube” kanalında yayımlanacaq.

İlk olaraq Ağdam Cümə məscidi haqqında videoçarxlar nümayiş olunub.

Bütün xəbərlər Facebook səhifəmizdə

loading...