Uşaq musiqi məktəbinin yetirməsi beynəlxalq müsabiqənin laureatı olub

Bakı Şəhər Mədəniyyət Baş İdarəsinin Niyazi adına 22 nömrəli uşaq musiqi məktəbi Moskvada keçirilən “Grand Music Art” musiqiçilər arasında VIII beynəlxalq müsabiqədə uğurla təmsil olunub.

İdarədən SİA-ya bildirilib ki, internet üzərindən baş tutan müsabiqədə məktəbin fortepiano ixtisası üzrə müəllimi İradə Məmmədovanın yetişdirdiyi gənc istedad Cəmilə Feyzullayeva həm müəlliminə, həm də məktəbə qələbə sevinci yaşadıb.

Cəmilə Feyzullayeva beynəlxalq müsabiqədə II dərəcəli laureat adını qazanıb. İradə Məmmədova isə Yüksək peşəkarlığa və müsabiqəyə çıxışına hazırlığa görə beynəlxalq müsabiqənin təşəkkürnaməsinə layiq görülüb.

Bütün xəbərlər Facebook səhifəmizdə

loading...