Muzey mərkəzinin akt zalında Azərbaycan Respublikası Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzinin təşkilatçılığı ilə “Unudulmaqda olan xalq yaradıcılıq nümunələrinin bərpası" mövzusunda elmi konfrans keçirilib. SİA-nın məlumatına görə, konfransa ali və orta ixtisas təhsil müəssisələrinin müəllim və tələbələri dəvət olunub. Mövzu ilə bağlı elm və incəsənət xadimləri çıxış etmişlər. Həmçinin keçəçi rəssam Rauf Əbdülhəsənoğlu, professor Maya Qafarova, modelyer Gülnarə Xəlilova, əməkdar mədəniyyət işçisi Səadət Təhmiraz qızı və başqaları. Mədəniyyətşünaslıq üzrə Elmi-Metodiki Mərkəzin direktoru, siyasi elmlər üzrə fəlsəfə doktoru Asif Usubəliyev bu tipli tədbirlərin əhəmiyyətindən danışıb.
Hər xalqın özünəməxsus milli sənət nümunələri, milli sənətkarlıq səhələri var. Azərbaycan xalqına məxsus olan milli sənət və sənətkarlıq nümunələri də bu gün ölkəmizlə yanaşı, dünyanın bir çox ölkələrinin sərgi salonlarında və mədəniyyət saraylarında sərgilənir. Konfransın məqsədi milli sənət nümunələrimizin təbliği, qədimlərdən bizə yadigar qalan və unudulmaqda olan sənətkarlıq sahələrinin yaddaşlardan silinməməsidir.
Tədbirdə xalçaçılıq, keçəçilik, daş və dəmir üzərində oyma, ağac üzərində nəqqaşlıq, qurama, tikmə, və xalq musiqi alətlərinin nümunələri nümayiş olunub və Ü.Hacıbəyli adına Bakı Musiqi Akademiyasının elmi laboratoriyasının ansamblı çıxış edib.
Bütün xəbərlər Facebook səhifəmizdə
USD
EUR
GBP
RUB