"Eurovision-2014" mahnı müsabiqəsində iştirak edəcək ölkələrin adları müəyyənləşib. SİA-nın "Eurovision" mahnı müsabiqəsinin rəsmi saytına istinadən verdiyi xəbərə görə, 59-cu "Eurovision" mahnı müsabiqəsində ən azı 36 dövlət - Albaniya, Avstriya, Azərbaycan, Belarus, Belçika, Danimarka, Estoniya, Finlandiya, Fransa, Gürcüstan, Almaniya, Yunanıstan, Macarıstan, İslandiya, İrlandiya, İsrail, İtaliya, Latviya, Litva, Keçmiş Yuqoslaviya Respublikası, Makedoniya, Malta, Moldova, Monteneqro, Niderland, Norveç, Polşa, Portuqaliya, Rumıniya, Rusiya, San Marino, İspaniya, İsveç, İsveçrə, Böyük Britaniya, Ukrayna və Ermənistan iştirak edəcəklər.
Nəzərinizə çatdıraq ki, Sloveniya Yayım Şurası üçün təsdiq tarixi on gün uzadıldığından iştirakçı dövlətlərin sırasına daha biri də qoşula bilər. "Bizə qoşulun!" şüarı altında keçiriləcək "Eurovision-2014" mahnı müsabiqəsinin birinci və ikinci yarımfinalları müvafiq surətdə mayın 6-sı və 8-də, final mərhələsi isə mayın 10-da olacaq.
Qeyd edək ki, Fransa, Almaniya, İtaliya, İspaniya, Böyük Britaniya və Danimarka təmsilçiləri birbaşa final mərhələsində çıxış edəcəklərindən I və II yarımfinalda, ümumilikdə 30 dövlətin təmsilçisi mübarizə aparacaq. Hər yarımfinaldan isə 10 iştirakçı seçilərək finala vəsiqə qazanacaq.
Bütün xəbərlər Facebook səhifəmizdə
USD
EUR
GBP
RUB