Bu gün dahi Azərbaycan bəstəkarı, xalq artisti, bir çox məşhur mahnının müəllifi Emin Sabitoğlunun doğum günüdür. SİA-nın məlumatına görə, o, bir çox Azərbaycan filmlərinə musiqi bəstələyib.
Musiqi məktəbindən sonra Konservatoriyaya daxil olub. Iki ildən sonra Çaykovski adına Moskva Dövlət Konservatoriyasına keçirilib. 1961-ci ildə \"Azərbaycanfilm\" kinostudiyasında musiqi redaktoru vəzifəsində çalışıb. Sonrakı illərdə Dövlət Filarmoniyasında bədii rəhbər, Ü. Hacıbəyov adına Dövlət Konservatoriyasında (indiki Bakı Musiqi Akademiyası) müəllim işləyib. Musiqinin müxtəlif janrlarında bir çox dəyərli əsərlərin müəllifi olan Emin Sabitoğlu bir simfoniya, üç simfonik poema, üç kantata, simli kvartet, skripka və fortepiano üçün poema yazıb. Lakin bir neçə musiqi janrı onun yaradıcılığının əsasını, müəyyənedici hissəsini təşkil edirdi.
O, 600-dən artıq mahnı, 9 musiqili komediya, 40-a yaxın filmə musiqi bəstələyib. \"Dərələr\", \"Bakı, sabahın xeyir\", \"Uzaq yaşıl ada\", \"Dağlar\", \"İnsaf da yaxşı şeydir\" mahnıları çoxsaylı əsərlərindən bəziləridir. Tamaşalara yazdığı musiqilərsə o qədər çoxdur ki, sayını heç bəstəkarın özü də doğru-dürüst bilmirdi. Paytaxt teatrları ilə yanaşı Sumqayıt, Gəncə, Lənkəran, Mingəçevir, Naxçıvan teatrlarının tamaşalarına musiqi bəstələyib. Emin Sabitoğlu 18 noyabr 2000-ci ildə Bakıda vəfat edib.
Bütün xəbərlər Facebook səhifəmizdə
USD
EUR
GBP
RUB