Türkiyənin milli müdafiə naziri Yaşar Gülər bildirib ki, Suriya Milli Ordusunun Əl-Babın cənubundakı Tel-Rıfat və Mənbic xəttində həyata keçirdiyi əməliyyatlar nəticəsində terror təşkilatı bu bölgələrdən geri çəkilmək məcburiyyətində qalıb.
SİA xarici qaynaqlara istinadən xəbər verir ki, bu barədə Yaşar Gülər Türkiyə Böyük Millət Məclisində etdiyi çıxışında məlumat verib. O, gələcək dövrdə Suriyada əhatəli siyasi həll yolu ilə təhlükəsizlik və sabitliyin bərqərar olacağına ürəkdən inandığını bildirib. Eyni zamanda, təhlükəsizlik və sabitliyin qorunması üçün əməliyyat bölgələrində lazımi tədbirlərin görüldüyünü vurğulayıb.
Suriya Milli Ordusunun Əl-Babın cənubunda yerləşən Tel-Rıfat və Mənbic xəttində həyata keçirdiyi əməliyyatlar nəticəsində terror təşkilatının bu bölgələrdən geri çəkilmək məcburiyyətində qaldığını ifadə edən Yaşar Gülər PKK/YPG terror təşkilatının bölgədəki qeyri-sabitlikdən faydalanmasına heç vaxt imkan verməyəcəklərini vurğulayıb.
Türkiyənin milli müdafiə naziri Suriyada siyasi keçidin təhlükəsiz və problemsiz olmasını təmin etmək, mövcud problemləri həll etmək üçün səy göstərməyə davam edəcəklərini bildirib.
Bütün xəbərlər Facebook səhifəmizdə
USD
EUR
GBP
RUB