ABŞ-ın vitse-prezidenti və Demokratlar Partiyasının prezidentliyə namizədi Kamala Harris Respublikaçı namizəd Donald Trampın seçki günü “daxili düşmənlərlə” mübarizə aparmaq üçün ordudan dəstək alması barədə bəyanatından sonra rəqibinin ölkə üçün “təhlükəli” olduğunu bildirib. SİA xarici KİV-ə istinadən xəbər verir ki, Harris Pensilvaniya ştatının Erie şəhərində keçirdiyi mitinqdə respublikaçı rəqibi Trampın “Ən pis insanlar bizim aramızda düşməndir” kimi ifadələrini özündə əks etdirən və seçki günü onlara qarşı ordudan dəstək alanlara aid klip nümayiş etdirib.
Trampın açıqlamalarının “təhlükəli” olduğunu və ona dəstək verməyən amerikalıları “düşmən” adlandırdığını qeyd edən Harris deyib: “Donald Tramp getdikcə qeyri-sabit olmağa və psixi tarazlığını itirməyə başladı”. Harris Trampın ikinci müddətinin ABŞ üçün "təhlükəli" olacağını bildirib.
Respublikaçıların prezidentliyə namizədi Tramp "Fox News"a verdiyi müsahibədə deyib: "Məncə, daha böyük problem içimizdəki düşmənlərdir. Çox pis insanlarımız var. Bəzi xəstə insanlar, radikal sol siyasətçilər var".
Tramp noyabrın 5-də keçiriləcək prezident seçkilərində “daxili düşmənlərlə” mübarizə aparmaq üçün Milli Qvardiyadan və ya ordudan dəstək almağı təklif etmişdi.
Bütün xəbərlər Facebook səhifəmizdə
USD
EUR
GBP
RUB
