“Everton”dan ilk, "Arsenal"dan növbəti məğlubiyyət

26 Oktyabr 2020 01:19 | 3 010

İngiltərə Premyer Liqasında 6-cı tur davam edir.

SİA xəbər verir ki, növbəti oyun günündə daha 3 görüş keçirilib.

Lider “Everton” səfərdə “Sauthempton”la qarşılaşıb. 0:2 hesabı ilə uduzan Karlo Ançellotinin komandası mövsümdə ilk məğlubiyyət acısını yaşayıb.

"Vulverhempton" - "Nyukasl" matçında qalib müəyyənləşməyib - 1:1. "Lester" səfərdə "Arsenal"a qalib gəlib - 1:0.

Tura bu gün keçiriləcək “Brayton” – “Vest Bromviç” və "Bernli” – “Tottenhem” oyunları ilə yekun vurulacaq.

Qeyd edək ki, turnir cədvəlinə 13 xalla "Everton" başçılıq edir. İkinci pillədə olan "Liverpul"un da xalı eynidir. "Aston Villa" və "Lester" isə 12 xalla uyğun olaraq 3-cü, 4-cü yerləri bölüşdürürlər.

25 oktyabr

İngiltərə Premyer Liqası, 6-cı tur

“Sauthempton” – “Everton” – 2:0
Qollar: Uord-Prouse, 27, Adams, 35

“Vulverhempton” – “Nyukasl” – 1:1
Qollar: Raul Ximenes, 80 – Mörfi, 89

“Arsenal” – “Lester” – 0:1
Qol: Vardi, 80