Azərbaycanda qurulan ailələrin demək olar ki, yarısı boşanır. Belə ki, Dövlət Statistika Komitəsinin cari ilin yanvar ayına olan məlumatında Ədliyyə Nazirliyinin rayon (şəhər) qeydiyyat şöbələri tərəfindən 2025-ci ilin ilk ayında 4717 nikah və 1814 boşanma hallarının qeydə alınması göstərilib. 2024-cü ilin müvafiq ayı ilə müqayisədə əhalinin hər 1000 nəfərinə nikahların sayı 4,2-dən 5,4-ə, boşanmaların sayı isə 2-dən 2,1-ə qədər artıb.
Məsələnin narahatedici tərəfi isə odur ki, boşanmaların bu qədər artmasında əsasən qadınlar günahkar hesab edilir. Bu barədə ötən aylarda Qadın və Uşaq Problemləri üzrə Dövlət Komitəsinin Hüquqi təminat şöbəsinin müdiri Taliyə İbrahimova Milli Məclisin “Ailə, qadın və uşaq hüquqları - konstitusion hüquqların əsas prioriteti kimi” mövzusunda ictimai dinləmədə deyib ki, boşanmaların 70 faizinin təşəbbüskarı qadınlardır.
Həqiqətən qadınlar boşanmağa təşəbbüskardır?
Sosioloq Lalə Mehralı bunu təsdiq edir: Komitənin açıqlamasını Mediasiya Şurasından da təsdiqləyirlər, vəkillər də təsdiqləyir. Bəzən psixoloqlar da açıqlama verir ki, qadınlar boşanmaqda daha maraqlıdır, ailə birliyinin bərpası mümkün olduğu vəziyyətlərdə belə israrla boşanmaq istəyirlər.
Amma cəmiyyətdə bu fikrə qarşı ciddi narazılıq var, təbii ki qadınlar tərəfindən. İsrarla bu açıqlamaların qərəzli olduğunu, qadınların boşnmaqda haqlı olduğunu deyirlər. Razıyam, bəzən boşnmaq yeganə çıxış yolu olur, ölməmək, öldürməmək, həyatda qalmaq, psixoloji və mənəvi olaraq bütün qala bilmək üçün boşanma yeganə çıxış yolu olur, amma bütün qadınların zorakılıq görməsi iddiası absurddur.
Qoy bu 70 faizlik nisbətdəki xanımların 100-u, 500-ü zorakılıq görsün, mənəvi və ya fiziki şiddət görsün, ona görə boşanmaq istəməsi normaldır, haqlıdırlar. Amma bu kütləvilik nədir? Mümkün deyil ki, bu 70 faizin hamısı haqlı olsun. Belə çıxır ölkədə normal kişi yoxdur? Axı bu kişiləri də o xanımlar böyüdür, onların anaları, xalaları böyüdür. Qadınlar niyə bu qədər maraqlıdır ailəsizliyə? Bu nə azadlıq iddiasıdır? Bu azadlıq deyil, azadlığı bu qədər ucuzlaşdırmaq doğru deyil.
Ölkədə ailə soyqırımı başlayıb, təşəbbüskarı da elə qadınlardır. İllərdir, altdan-altdan işlənən plan özünü doğrultdu, feminizm, gender bərabərliyi planları həyata keçir, qadın azadlığı deyə-deyə yıxdılar ölkənin evini. Dəhşətli vəziyyətdir və bərpasına ümid hər gün azalır.
Nərmin Hüseynli
Bakı Dövlət Universitetinin 4-cü kurs tələbəsi
Bütün xəbərlər Facebook səhifəmizdə
.jpg)
USD
EUR
GBP
RUB