Dəridəki qançırlar xərçəngin göstəricisi ola bilər

Dəridəki qançırlar qan xərçənginin inkişafının göstəricisi ola bilər.

SİA xəbər verir ki, bu qənaətə britaniyalı alimlər gəlib. Qeyd olunur ki, əvvəlcə onlar zamanla rəngini dəyişən, tündləşən və çox vaxt ağrımağa başlayan qırmızı ləkələrə bənzəyirlər. Onları tünd dəridə aşkar etmək daha çətindir.

Bu xərçəngin digər əlamətlərinə səbəbsiz kilo itkisi, bədəndə fırların əmələ gəlməyi, nəfəs darlığı, gecə tərləmələri, bədəndə ağır infeksiyalar, qızdırma, səpgi və ya qaşınma daxildir. Bundan əlavə sümük və oynaq ağrıları, yuxu və ya istirahətdən sonra davam edən yorğunluq da qan xərçənginin ilkin əlamətləri ola bilər.

Mütəxəssislər qeyd edir ki, qan xərçənginin əlamətləri gec aşkar olunur. Eyni zamanda, bəzi insanlarda onlar tamamilə olmaya bilər. Həkimlər xəstəliyin vaxtında aşkarlanması ilə müalicə oluna biləcəyini vurğulayırlar.

Bütün xəbərlər Facebook səhifəmizdə

loading...