Diabet xəstələrinin təxminən yüzdə 25-i ayaq infeksiyası səbəbi ilə xəstəxanaya qaldırılır. SİA-nın Türkiyə mətbuatına istinadən verdiyi məlumata görə, həkim Bengisu Ay məsələ haqqında danışıb.
Onun sözlərinə görə, dünyada diabet sıxlığı artmağa davam edir: “Xüsusilə, gənc və obez xəstələrdə tip 2 diabet tezliyinin artması narahatlıq doğurur. Bu xəstəlikdə əlilliyin və xəstəxanaya yerləşdirmənin ən vacib mənbəyi ayaq problemləridir”.
Həkim ayaq xəstəliyi ilə bağlı maraqlı açıqlamalar verib: “Dünya əhalisinin böyük bir qisminə təsir edən şəkərli diabetin yüksək qan şəkəri ilə xarakterizə olunan xroniki bir xəstəlikdir. İnsulin çatışmazlığı tip 1, insulinə qarşı müqavimət inkişafı isə tip 2 adlandırıla bilər. Bu problemlərdən asılı olaraq, ayaq xoralarının inkişafı, infeksiya, qanqren və ayağın kəsilməsinə səbəb ola bilər”.
İnfeksiya sürətlə dərin toxumalara yayılır.
Həkim sözlərinə belə davam edib: “Diabetik ayaq xəstəliyinin başlanğıcı kimi qəbul edilən ülserasiya sistemli və regional (sinir zədələnməsi, ayaq deformasiyaları, travma, yararsız ayaqqabılar) ayaq damarlarındakı pozğunluqlar, sinir zədələnməsi səbəbiylə meydana gələn dəyişikliklər xoraların meydana gəlməsində əsas rol oynayır. Şəfa verməyən uzun müddətli xoralar asanlıqla yoluxa və sonradan infeksiya inkişaf edə bilər. Diabetin yaratdığı immunitet sistemindəki qüsurlar bu infeksiyanın şiddətlənməsinə səbəb olur. Diabetik ayaq infeksiyaları xəstələrdə qarşılaşdığımız ciddi və bahalı bir komplikasiyadır. Dəridəki qoruyucu təbəqənin zədələnməsi nəticəsində infeksiya sürətlə yayılır. Əgər, lazımi müalicələr olmasa, xəstə ayağını itirə bilər”.
Yara təmizlənməsi doğru zamanda edilməlidir.
Həkim son olaraq əlavə edib ki, yaranın erkən və uyğun təmizlənməsi sağalmanı sürətləndirir: “Xəstəyə antibiotiklər verilir, nizamlı idarəyə çağrılır və lazım olduqda əməliyyat planlaşdırılır. Xəstənin bundan sonra sağlam həyata davam etdirməsi üçün mütəmadi həkim nəzarəti altında olmalıdır. Yaranın sağalmasından sonra əza qorunursa, xəstəyə uyğun ayaq baxımı öyrədilməlidir. Əgər, əza itkisi varsa, xəstə uyğun protezlərlə sağ qala bilər”.
Ayşən Vəli
Bütün xəbərlər Facebook səhifəmizdə
.jpg)
.jpg)
.jpg)
USD
EUR
GBP
RUB