Salyan rayonunda minik avtomobillərinin toqquşması ilə qeydə alınan yol-nəqliyyat hadisəsi baş verib.
SİA yerli mənbələrə istinadən xəbər verir ki, hadisə saat 19 radələrində Ələt-Astara avtomobil yolunun Salyan rayonu Şorsulu kəndi ərazisində baş verib.
Hadisə zamanı “Lada” VAZ-2106 və “Niva” markalı avtomobillər toqquşub. Qəza nəticəsində Mustafa Əhmədov və Mübaşir Qurbanov hadisə yerindəcə ölüb, xəsarət alan Cəlal Quliyev, Samir Zeynalov və Mahir Əzizov isə Salyan Rayon Mərkəzi Xəstəxanasına yerləşdiriliblər. Yaralılara dərhal təcili təxirə salınmaz tibbi yardım göstərilib və həkim nəzarətinə götürülüblər.
Xəsarət alan Mahir Əzizovun komatoz vəziyyətdə olduğu bildirilir.
Faktla bağlı araşdırma aparılır.
Bütün xəbərlər Facebook səhifəmizdə
USD
EUR
GBP
RUB