ARDNŞ “Petkim” şirkətinə 10 milyard ABŞ dolları məbləğində sərmayə yatıracaq

Azərbaycan Respublikası Dövlət Neft Şirkəti (ARDNŞ) Türkiyənin iri neft-kimya kompleksi olan "Petkim" şirkətinə yaxın 7-8 ildə 10 milyard ABŞ dolları məbləğində sərmayə yatırmağı planlaşdırır.

SİA-nın məlumatına görə, ARDNŞ-ın birinci vitse-prezidenti Xoşbəxt Yusifzadə Yeni Azərbaycan Partiyasının rəsmi internet saytına müsahibəsində deyib ki, bu məbləğin 3,5-5 milyard dolları xammala olan ehtiyacı ödəmək məqsədi ilə Əliağa rayonunda istehsal gücü 10-15 milyon ton olan neft emalı zavodunun tikintisinə xərclənəcəkdir. Zavodun tikintisinin 2014-2015-ci illərdə başa çatdırılması nəzərdə tutulur. Qeyd edək ki, 2008-ci ildə ARDNŞ SOCAR-Turcas/İnjaz alyansı çərçivəsində Türkiyənin iri neft-kimya kompleksi olan "Petkim" şirkətinin səhmlərinin 51 faizini 1,6 milyard ABŞ dollarına alıb.

"Petkim" şirkətinin əsas məhsulları etilen, polietilen, polivinilxlorid, akrilonitrildir. Şirkətin məhsulları, əsasən, Türkiyə bazarına çıxarılır.

Bütün xəbərlər Facebook səhifəmizdə

loading...