Azərenerji: “5 ayı ərzində 300 qayda pozuntusu aşkar edilib”

"Ağcabədi" Elektrik Şəbəkəsində (EŞ) cari ilin may ayında keçirilmiş reydlər zamanı 47 istehlakçının elektrik enerjisindən istifadə qaydalarını pozması faktı aşkar edilib. "Azərenerji" ASC-dən SİA-ya verilən məlumata görə, qayda pozuntuları müvafiq qaydada aktlaşdırılıb və 1 milyon 31,5 min kilovatsaatdan artıq itirilmiş elektrik enerjisinin 61,9 min manata yaxın istehlak dəyəri bərpa edilib. Bu məbləğin 46 faizdən artıq hissəsinin ödənişi təmin olunub. Cari ilin ötən 5 ayı ərzində isə burada 298 qayda pozuntusu aşkar edilərək akt tərtib edilib. Aktlar üzrə müvafiq qaydada hesabat aparılaraq 2 milyon 214,5 min kilovatsaata yaxın itirilmiş elektrik enerjisinin 132,8 min manatdan artıq istehlak dəyəri bərpa edilib. Bunun da 60 faizə yaxın hissəsinin ödənişi təmin olunub.

Bütün xəbərlər Facebook səhifəmizdə

loading...