"Bizim bir cox mədəni irsimiz var ki, onlardan demək olar ki, imtina etmişik, öyrənməmişik, onlar itib gedib. Məsələn, Bakı və Gəncə şəhərlərinin şəhər folkloru. XX əsrdə qədim nağıllar, rəvayətləri yazılıb, ancaq böyük folklor itib, bunu heç kim qələmə almayıb". SİA-nın məlumatna görə, bunu Prezident Administrasiyasının Humanitar siyasət məsələləri şöbəsinin müdiri Fatma Abdullazadə "Azərbaycan 2020: mədəni irs prioritet inkişaf istiqmətlərindən biri kimi" mövzusunda cümə günü keçirilən konfransda çıxışı zamanı deyib.
PA-nın şöbə müdirinin sözlərinə görə, tariximizlə bağlı dünya muzeylərində bir cox faktlar var, ancaq onların mövcudluğundan belə xəbərimiz yoxdur. Bununla yanaşı, tariximiz, mədəniyyətimizlə bağlı bir cox əlyazmalarımızın harada olduğunu bilmirik.
Abdullazadənin bildirdiyinə görə, bizim arxeologiyamızda, tariximizdə, filologiyamızda, memarlığımızda o qədər ciddi elmi problemlər var ki, onları araşdırmadan "Azərbaycan 2020: Gələcəyə baxış" konsepsiyasının elmi tutumunu artırmaq mümkün olmayacaq.
Prezident Administrasiyasının rəsmisi bildirib ki, mədəni irslə bağlı çox zəngin internet resursları yaradılmalıdır. Yeni texnologiyalardan istifadə edərək virtual muzeylər yaradıla bilər.
"Elə muzeylər yarada bilərik ki, ona nə bina, nə qədimdən qalan faktar lazım olar. O virtual muzeylərdə çox şeyləri təbliğ etmək olar. Virtual muzeylər olmadan biz gənclərə, xarici ölkələrə mədəni irsimizin zənginliyini çatdıra bilmərik. Bu iş çox böyük ustalıqla qurulmalıdır. Burada yaradıcı amil olmasa, formal yanaşmadan çox uzaq olaraq fikirləşmək lazımdır ki, biz bunu informasiya cəmiyyətinin diqtə etdiyi qanunlarla nə dərəcədə yaratmağa qadir olacayıq" - Abdullazadə deyib.
PA rəsmisi bildirib ki, biz yeni bir səviyyəyə keçərkən köhnədən çox asanlıqla imtina edirik. Bu da pis xüsusiyyətdir.
"Bəlkə də bu, sivizilizasiyaların və mədəniyyətin qovşağında yerləşən bir ölkənin xüsusiyyətidir? Biz həmişə bundan fərəhlə danışırıq ki, mədəniyyətlərin və sivilizasiyaların qovşağında yaşayır. Heç kəs fikirləşmir ki, belə bir çətin strateji məkanda yaşayan insan hansı təzyiqlərə və təqiblərə məruz qalır", - Abdullazadə əlavə edib.
Bütün xəbərlər Facebook səhifəmizdə
USD
EUR
GBP
RUB
