Başından aldığı zərbə ilə parkda yıxılan şəxs həyatını itirib

Başından aldığı zərbə ilə parkda yıxılan şəxs həyatını itirib.

Daxili İşlər Nazirliyindən SİA-ya verilən məlumata görə, yanvarın 9-da Qaradağ rayonunun Ələt qəsəbəsindəki parkların birində qəsəbə sakini, tüfeyli həyat tərzi keçirən Saleh İsayev sərxoş halda yıxılaraq kəllə beyin xəsarəti alıb və xəstəxanaya yerləşdirilib.

Həkimlərin səyinə baxmayaraq onun həyatını xilas etmək mümkün olmayıb.

Bu barədə Rayon Polis İdarəsinin 11-ci Polis Bölməsinə məlumat verilib. Araşdırmalar zamanı S.İsayevin baş nahiyəsinə yumruqla vurulması nəticəsində yıxılaraq xəsarət alması müəyyən edilib. Faktla əlaqədar Cinayət Məcəlləsinin 124-cü (Ehtiyatsızlıqdan adam öldürmə) maddəsi ilə cinayət işi başlanılıb.

Qaradağ Rayon Polis İdarəsi və 11-ci Polis Bölməsi əməkdaşlarının həyata keçirdikləri istintaq və əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən Ələt qəsəbə sakini Azər Həsənov müəyyən edilib və o, saxlanılaraq istintaqa təhvil verilib.

Bütün xəbərlər Facebook səhifəmizdə

loading...