Deputat Vitali Milonov bildirib ki, o, hazırda tank əleyhinə artilleriya batareyasında kiçik çavuş kimi xidmət edir. O izah edib ki, xidmətdə 2014-cü ildə ixtira etdiyi “Qustav” çağırış nişanından istifadə edir.
SİA-nın rus saytlarından əldə etdiyi məlumata görə, bu barədə “Rise” Telegram-kanalı yazır.
Milonov bildirib ki, cəbhə xəttində hər şey tamam başqa cür görünür. Xəyali hərbi ekspertlərin real vəziyyətlə heç bir əlaqəsi olmayan məlumatları yayımladığı aydın şəkildə başa düşülür.
“Özlərini hərbi analitik kimi gizlətməyə çalışan əksər Telegram müşahidəçiləri əslində nə baş verdiyini bilmirlər və insanları açıq cəfəngiyyatlarla təmin edirlər”, - deputat vurğulayıb.
Siyasətçinin fikrincə, real həyatda, xüsusən də hərbi münaqişə zamanı Amerika blokbasterinin ruhunda ideal mənzərə yoxdur və ola da bilməz. Ancaq bütün çətinliklərə baxmayaraq, insanlar hələ də işləyirlər, düzgün hədəfləri vururlar.
Milonov ümid etdiyini bildirib ki, rəhbərlik Donbass, Zaporojye və Xerson vilayətlərində referendumun nəticələri əsasında Dövlət Dumasında keçiriləcək səsvermədə iştirak etmək üçün ona bir müddət Moskvaya qayıtmağa icazə verəcək.
...Haşiyə çıxaraq bildirək ki, Milonov, necə deyərlər...”ağına bozuna” baxmayaraq, eynək arxasından gözünü qıya-qıya həmişə ermənilərin müdafiəçisi kimi çıxış edib.
Əli Babayev
Bütün xəbərlər Facebook səhifəmizdə
USD
EUR
GBP
RUB