Əfqanıstanda sülhün nizamlanmasına dair İstanbul konfransı təxirə salınıb

Əfqanıstanda vəziyyətin sülh yolu ilə nizamlanması üçün 24 aprel tarixində başlamalı olan İstanbul konfransı təxirə salınıb.

SİA Türkiyə KİV-lərinə istinadən xəbər verir ki, bunu Türkiyənin xarici işlər naziri Mevlut Çavuşoğlu deyib.

Türk diplomatiyası rəhbərinin sözlərinə görə, forum müsəlmanların müqəddəs Ramazan ayının sonunda baş tutacaq.

Konfrans 24 aprel - 4 may tarixlərində keçirilməli idi.

Xatırladaq ki, zirvə konfransı Türkiyə, Qətər və BMT tərəfindən təşkil olunur.

Bütün xəbərlər Facebook səhifəmizdə