...Finlandiyanın yeni prezidenti Aleksandr Stubb andiçmə mərasimində çıxışı zamanı ölkənin təhlükəsizliyi naminə çətin qərarlar verməyə hazır olduğunu bildirib.
SİA-nın əldə etdiyi məlumata görə, onun sözlərini RİA Novosti sitat gətirir.
Stubb qeyd edib ki, Finlandiya Avropa, Yaxın Şərq və Afrikada müharibələrin olduğu bir dünyada yaşayır və silahlar, sursatlar eləcə də ordu haqqında çox danışmaq məcburiyyətindədir. Buna baxmayaraq, o, döyüşçü ritorika finlərin sülhsevər xalq olması faktını gizlətməməlidir.
...Respublika Prezidentinin əsas vəzifəsi istənilən şəraitdə Finlandiyada sülhün qorunmasını təmin etməkdir. Mən bunu edəcəyimə söz verirəm, lakin işlər çətinləşəndə mən də ölkəmizi təhlükəsiz saxlamaq üçün sərt qərarlar verməyə hazıram.
Bunu da Stubb əlavə edib.
Xatırladaq ki, bundan əvvəl Finlandiyanın yeni prezidenti bəyan etmişdi ki, Helsinki Ukraynadakı münaqişə bitənə qədər Rusiya ilə münasibətlər qurmaq niyyətində deyil.
Stubb həmçinin Kiyevə yardımı davam etdirəcəyinə söz verib və ölkənin NATO-ya daxil olmasının vacibliyini vurğulayıb.
Nazlı
Bütün xəbərlər Facebook səhifəmizdə
USD
EUR
GBP
RUB