Silahlı hücum nəticəsində 2 nəfər ölüb

Portuqaliyanın paytaxtı Lissabonda bir İslam mərkəzinə bıçaqlı şəxsin hücumu nəticəsində azı 2 nəfər ölüb.

SİA xarici qaynaqlara istinadən xəbər verir ki, Portuqaliyanın "Lusa" xəbər agentliyinin polis mənbələrinə istinadən verdiyi xəbərə görə, səhər saatlarında Lissabondakı İslam mərkəzində Əfqanıstan vətəndaşı olduğu iddia edilən bir şəxsin bıçaqlı hücumu nəticəsində iki nəfər həyatını itirib.

Yaralı olduğu bildirilən təcavüzkar Santa Mariya xəstəxanasına aparılıb.

Hücumun səbəbi hələlik açıqlanmayıb.

Digər tərəfdən, Portuqaliyanın Baş naziri Antonio Kosta polisin erkən müdaxilə etdiyini və təcavüzkarı dərhal yaxaladığını bildirib.

Bütün xəbərlər Facebook səhifəmizdə