Şahmatçımızın ilk mərhələdəki rəqibi açıqlanıb

Dekabrın 11-də İsrailin Qüds/Yerusəlim şəhərində “Grand Prix 2019” seriyasının sonuncu mərhələsi start götürür. İddiaçılar turnirinə vəsiqə qazanmaq üçün şahmatçılar sonuncu turda mübarizə aparacaqlar.

SİA-nın məlumatına görə, ölkəmizi bu turnirdə təmsil edən qrossmeyster Şəhriyar Məmmədyarov birinci mərhələdə Rusiya təmsilçisi Dmitri Yakovenko ilə qarşılaşır. Şahmatçımız ötən turların nəticəsinə görə, ümumi hesabda 10 xalla üçüncü pillədə qərarlaşıb. Rusiya təmsilçisi Aleksandr Qrişuk 20 xalla turnir cədvəlinin lideridir. Fransalı Maksim Vaşye-Laqrav isə 13 xalla ikincidir.

Yekun nəticələrə görə, ümumi hesabda ilk iki yeri tutan şahmatçılar iddiaçılar turnirinə vəsiqə qazanacaqlar.

Qeyd edək ki, Azərbaycan qrossmeysteri Teymur Rəcəbov səhhəti ilə əlaqədar “Grand Prix 2019” seriyasının dördüncü mərhələsində iştirak etmir. O, dünya kubokunda qalib gəlməklə iddiaçılar turnirinə vəsiqəni təmin edib.

Bütün xəbərlər Facebook səhifəmizdə

loading...