Mayın 25-də Bakıda aerobika gimnastikası üzrə XI Avropa çempionatının ikinci günü maraqlı idman mübarizəsi şəraitində keçib. SİA-nın məlumatına görə, çempionatın ikinci günündə böyük gimnastlar mübarizəyə qoşulublar.
Aerodans proqramında çıxış edən Ayxan Əhmədli, Balaxanım Əhmədova, Nərminə Hüseynova, Nigar İbrahimbəyli, İmran İmranov, Akif Kərimli, Elçin Məmmədov və Mədina Mustafayevadan ibarət komandamız təsnifat mərhələsində 17,350 xalla ikinci olub və finala yüksəlib. Komandamız finalda Rusiya, İtaliya, Macarıstan, Ukrayna və Almaniya kollektivləri ilə birgə mübarizə aparacaq.
Avropa çempionatında fərdi qadın proqramı üzrə təsnifat yarışlarında hakimlərdən 21,300 xal alan Rusiya idmançısı Yekaterina Pixatova birinci olub. Türkiyəli Begüm Ayşe Onbaşı təsnifat mərhələsini ikinci, digər rusiyalı idmançı Tatyana Konakova üçüncü pillədə başa vurublar. İlk üçlükdən əlavə, Bolqarıstan gimnastları Darina Paşova, Ana-Maria Stoilova, ispaniyalı Belen Quillemot Esterleç, Portuqaliya təmsilçisi Sara Silva və rumıniyalı Sandra Kristina Dinca da finalda yarışacaqlar. Azərbaycan təmsilçiləri Xoşqədəm Quliyeva 25-ci, Nərminə Hüseynova isə 31-ci olublar.
Turnirdə üçlüklərin təsnifat yarışında Macarıstan komandası fərqlənib. Macarıstanlı gimnastların çıxışları hakimlər tərəfindən 22,361 xalla qiymətləndirilib. İlk üçlüyü Rusiya və Rumıniyanın ikinci komandaları tamamlayıblar. İlk üç pillədə qərarlaşan komandalarla yanaşı, finalda Rusiya, Rumıniya, Türkiyə, İtaliya-2 və Finalandiya-2 kollektivləri medallar uğrunda mübarizə aparacaqlar.
Avropa çempionatında fərdi kişi proqramı üzrə yarışlarda Rusiya idmançıları uğurla çıxış ediblər.Hakimlərdən 21,950 xal alan Roman Semenov birinci olub. Onun komanda yoldaşı Timur Kulaev 21,500 xalla ikinci pillədə yer alıb. Bolqarıstanlı Antonio Papazov 21,350 xalla ilk üçlüyü tamamlayıb. Azərbaycan gimnastları Vladimir Dolmatov 9-cu, Elçin Məmmədov isə 18-ci yerdə qərarlaşıblar.
Qarışıq cütlüklərin yarışlarında Macarıstan-2 komandası 22,050 xalla bütün rəqiblərini qabaqlayıb. Rusiya-2 kollektivi 21,950 xalla yarışı ikinci, Rumıniya-2 komandası isə 21,650 xalla üçüncü pillədə başa vurub. Azərbaycan komandası 17-ci pillədə yer alıb.
Qrupların təsnifat yarışında 19,555 xalla Azərbaycan komandası yeddinci olub və finala yüksəlib. Bolqarıstan 22,066 xalla bütün rəqiblərini qabaqlayıb. Rusiya 22 xalla ikinci, Rumıniya 21,983 xalla üçüncü pillədə qərarlaşıblar.
Yarışlar başa çatdıqdan sonra mükafatlandırma mərasimi təşkil olunub. Böyüklərin komanda hesabında Rusiya birinci, Rumıniya ikinci, Macarıstan isə üçüncü olub.
Mayın 26-da yekun vurulacaq çempionatda 22 ölkədən 400-ə yaxın böyük və gənc gimnast qadın və kişi, qarışıq cütlük, üçlük, qrup, həmçinin aerodans, aerostep (yalnız böyüklər) yarışlarında mübarizə aparırlar.
Bütün xəbərlər Facebook səhifəmizdə
.jpg)
.jpg "Döyüşlər yenidən başlayır - DƏHŞƏTLİ PROQNOZ")
.jpg "İlqar Hacıyev Natiq Ədilovu niyə söydü?")
.jpg "İran qarşı müharibənin əsl səbəbi - ŞOK DETALLAR")
USD
EUR
GBP
RUB
