Azərbaycan Premyer Liqasının XXIII turunda AZAL-ın qonağı olacaq "Qəbələ" görüşə 3 itki ilə çıxacaq. SİA-nın məlumatına görə, Vitali Vernidubla Elvin Camalov zədə səbəbindən "təyyarəçilər"lə matçı buraxmalı olacaqlar.
Zədəyə görə "Neftçi" ilə oyunda iştirak etməyən Rəşad Sadiqovun durumu isə qeyri-müəyyəndir. Təcrübəli yarımmüdafiəçi böyük ehtimalla AZAL-la oyunda meydanda olmayacaq. Amma onun oynayıb-oynamayacağı matç saatına yaxın müəyyənləşəcək.
Bundan başqa, səhhətindəki problemə görə "Netçi" ilə oyunu buraxan Ruslan Qurbanov artıq sağalıb. Müdafiəçi Rasim Ramaldanovun zədəsi ilə bağlı da heç bir problemi qalmayıb. Onlar AZAL-la oyunda meydanda olmaq gücündədirlər.
Qeyd edək ki, AZAL – "Qəbələ" oyunu martın 19-da baş tutacaq.
Bütün xəbərlər Facebook səhifəmizdə
USD
EUR
GBP
RUB