Oktyabrın 1-də Dənizkənarı Milli Parkda təşkil olunacaq "Avropa Şəhərciyi-2016" festivalı çərçivəsində Formula-1 Avropa Qran-prisinin Azərbaycandakı təşkilatçısı "Bakı Şəhər Halqası" Əməliyyat Şirkəti də təmsil olunacaq.
SİA-nın məlumatına görə, bu il Avropa İttifaqının (Aİ) Azərbaycandakı nümayəndəliyi və İttifaqa üzv ölkələrin Bakıdakı səfirlikləri mövcud əməkdaşlığın 25 illiyini bir neçə tədbirlə qeyd edirlər.
Formula-1 tərzində qurulmuş stenddə simulyator oyunlarından istifadə edən ziyarətçilər yarışlardakı sürəti və həyəcanı hiss edəcəklər. Həmçinin məkanda bu il təşkil olunan Avropa Qran-prisi ilə bağlı məlumatlandırıcı vəsaitlər ziyarətçilərə təqdim olunacaq.
Bütün xəbərlər Facebook səhifəmizdə
USD
EUR
GBP
RUB