UEFA, Çempionlar Liqasının F qrupunda keçirilən "Legiya" (Polşa) - "Borussiya" (Dortmund) oyunu ilə bağlı araşdırma başladıb. Bu barədə Avropa ali futbol qurumunun rəsmi saytı xəbər yayıb. Xəbərə görə, buna Varşavada keçirilən görüşdə hər iki klubun azarkeşlərinin etdiyi hərəkətlər səbəb olub.
UEFA-nın açıqlamasında sözügedən matç zamanı tribunalarda insidentlərin baş verdiyi, priotexniki vasitələrdən istifadə edildiyi, meydançaya kənar əşyalar atıldığı, irqçi şüarların səsləndiyi və təhlükəsizliyin lazımi səviyyədə təşkil olunmadığı bildirilib. Qitənin ali futbol qurumu baş verən hadisələrlə bağlı qərarını sentyabrın 18-i açıqlayacaq.
Qeyd edək ki, "Legiya" - "Borussiya" oyunu qonaq komandanın 6:0 hesablı qələbəsi ilə başa çatıb.
Bütün xəbərlər Facebook səhifəmizdə
USD
EUR
GBP
RUB