Baş məşqçi 5 oyunluq cəzalanıb

AFFA-nın İntizam Komitəsinin iclası keçirilib. Siasport.az saytı iclasda qəbul olunmuş qərarları nəzərinizə çatdırır:

16 aprel 2011-ci il tarixində XIX Azərbaycan Premyer Liqasının XXVII turunun "Xəzər Lənkəran" – "İnter" matçının 39-cu dəqiqəsində "Xəzər Lənkəran" klubunun azarkeşləri tərəfindən meydançaya kənar əşya atıldığı üçün klub 2000 (iki min) manat cərimə olunur (maddə 53).

16 aprel 2011-ci il tarixində XIX Azərbaycan Premyer Liqasının XXVII turunun "Muğan" – "Turan" matçında "Muğan" klubunun 4 futbolçusu sarı vərəqə ilə cəzalandığı üçün klub 1000 (min) manat cərimə olunur (maddə 40).

15 aprel 2011-ci il tarixində XIX Azərbaycan Premyer Liqasında çıxış edən klubların əvəzedici heyətlərinin XXVII turunun "Muğan" – "Xəzər Lənkəran" matçında "Xəzər Lənkəran" klubunun 5 futbolçusu sarı vərəqə ilə cəzalandığı üçün klub 500 (beş yüz) manat cərimə olunur (maddə 40). Oyunun 44-cü dəqiqəsində "Muğan" klubunun 20 №-li futbolçusu İsmayıl İsmayılov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 (yüz) manat cərimə olunur (maddə 48). Oyunun 84-cü dəqiqəsində "Xəzər Lənkəran" klubunun 27 №-li futbolçusu Mircamal Əlizadə kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 1000 (min) manat cərimə olunur (maddə 37.1).

17 aprel 2011-ci il tarixində I divizionun XXII turunun "Bakılı" – "Neftçi" İSM matçında hər iki klubun 4 futbolçusu sarı vərəqə ilə cəzalandığı üçün hər iki klub 100 (yüz) manat cərimə olunur (maddə 40). Matçın 90+1-ci dəqiqəsində "Neftçi" İSM klubunun 1 №-li futbolçusu Bəxtiyar Gözəlov rəqibini təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanır, klub 200 (iki yüz) manat cərimə olunur (maddə 42.1).

12 aprel 2011-ci il tarixində "Azercell U-17 Liqa"nın "MKT Araz" – "Qəbələ" matçının 52-ci dəqiqəsində "MKT Araz" klubunun 15 №-li futbolçusu Murad Əliyev sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

12 aprel 2011-ci il tarixində "Azercell U-17 Liqa"nın "Muğan" – "Simurq" matçında "Simurq" klubu iştirak etmədiyi üçün kluba 0:3 hesablı texniki məğlubiyyət verilir (maddə 57).

12 aprel 2011-ci il tarixində "Azercell U-17 Liqa"nın "Bakı-2" – "Neftçi" İSM matçının 55-ci dəqiqəsində "Neftçi" İSM klubunun 6 №-li futbolçusu Etibar Rəhmanov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48). Oyunun 56-cı dəqiqəsində "Bakı-2" klubunun 2 №-li futbolçusu Qurban Qurbanov kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48). Oyunun 60-cı dəqiqəsində "Bakı-2" klubunun 22 №-li futbolçusu Vüqar Mustafayevlə "Neftçi" İSM klubunun 10 №-li futbolçusu Elmin Ağayev bir-birini təhqir etdiyinə görə birbaşa qırmızı vərəqə alaraq meydandan kənarlaşdırıldıqları üçün hər iki futbolçu 3 oyunluq cəzalanır (maddə 42.1).

12 aprel 2011-ci il tarixində "Azercell U-17 Liqa"nın MOİK– "Gənclərbirliyi" matçında MOİK klubu oyunu keçirmək üçün meydança ilə təmin etmədiyi üçün kluba 0:3 hesablı texniki məğlubiyyət verilir (maddə 57).

7 aprel 2011-ci il tarixində "Kapital Bank U-15 Liqa"nın "Qəbələ" – "Neftçi" İSM matçı başa çatdıqdan sonra hər iki klubun futbolçuları arasında dava baş vermişdir. Davada iştirak edən futbolçuların adları məlum olmadığı üçün hər iki klubun kapitanı 5 oyunluq cəzalanır (maddə 39.1).

16 aprel 2011-ci il tarixində U-13 Liqasının "Turan" – UGİM (Mingəçevir) matçının 25-ci dəqiqəsində "Turan" klubunun baş məşqçisi Roman Məmmədov meydançaya daxil olaraq hakimi təhqir etdiyi üçün baş məşqçi 5 oyunluq cəzalanır (maddə 42.4).

16 aprel 2011-ci il tarixində U-13 Liqasının "Kəpəz" – "Qəbələ" matçının 20-ci dəqiqəsində "Qəbələ" klubunun 11 №-li futbolçusu Turan Manafov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

17 aprel 2011-ci il tarixində U-13 Liqasının "Gücbirliyi" – "İnter" matçında "Gücbirliyi" klubu iştirak etmədiyi üçün kluba 0:3 hesablı texniki məğlubiyyət verilir (maddə 57).

17 aprel 2011-ci il tarixində futzal üzrə Azərbaycan birinciliyinin "Əhmədli" – "İnteqral" matçının 27-ci dəqiqəsində "İnteqral" klubunun 7 №-li futzalçısı Anar Hüseynov komanda yoldaşını təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 3 oyunluq cəzalanır (maddə 42.1).

17 aprel 2011-ci il tarixində futzal üzrə Azərbaycan birinciliyinin "Olimpik Star" – NTD matçı başa çatdıqdan sonra "Olimpik Star" klubunun 7 №-li futzalçısı Zakir Kərimov hakimi təhqir etdiyi üçün futbolçu 4 oyunluq cəzalanır (maddə 42.3).