Siasport.az
saytı "Abşeron" klubunun futbolçusu Aleksandr Şemonayevin müsahibəsini təqdim
edir:
- Oxucularımıza
futbolçu karyeranız barədə məlumat ver.
- Mənim elə böyük, futbolçu karyeram
olmayıb. Zaqatala rayonunda doğulmuşam. Uzun illlər rayonun "Daşqın" klubunun
şərəfinin qorumuşam. Hətta arada futbolu tərk etmək məcburiyyətində qaldım.
Peşəkar futbol karyerama isə "Neftçi" İSM-də başlamışam.
- "Abşeron"
klubuna gəlişiniz necə oldu?
- Ötən ilin yayında "Abşeron" klubundan
təklif gəldi. Məndə tərəddüd etmədən bu dəvəti qəbul etdim. Sonralar şahidi
oldum ki, seçimimdə yanılmamışam. Mən həqiqətən də, güclü bir kollektivə
düşmüşəm.
- Komandanın ölkə çempionatındakı çıxışını
necə dəyərləndirərsiniz?
- Çox yüksək qiymətləndirirəm. "Abşeron"
çempionatda inamla liderlik edir və bütün matçlarda gözəl futbol nümayiş
etdirir.
-
"Abşeron"un digər çıxış etdiyiniz komandalardan fərqləndirən xüsusiyyətləri
varmı?
- Əla komandamız var. Yüksək əhval-ruhiyyə
hökm sürür. Futbolçu üçün hər cür şərait yaradılıb.
- Kubok uğrunda oyunlarda Premyer
Liqanın 2 təmsilçisini yendikdən sonra ölkə çempionu "İnter"ə qarşı kifayət
qədər məzmunlu, əzmkar oyun nümayiş etdirib mübarizəni dayandırdınız. Siz
özünüz bu oyunları necə dəyərləndirirsiniz?
-
Biz hamımız göstərdiyimiz oyundan razı qaldıq. Xüsusilə mənim üçün "Simurq"a qarşı olan oyun daha
prinsipial idi. Mən Zaqatalada doğulub, boya başa çatdığıma baxmayaraq dəfələrlə bu klubun şərəfini
qorumaq istəmişəm. Lakin "Simurq" məni öz heyətində görmək istəmədi. Bu oyunda
sübut etdim ki, onlar yanılıblar.
-
Gələcək planlarınız barədə nə deyə bilərsiniz?
-
Mən futbolçu karyeramı "Abşeron"suz təssəvvür etmirəm.
-
Hər bir futbolçunun azarkeşlik etdiyi futbolçu, komanda olur. Bəs, Aleksandr Şemonayev hansı
kluba azarkeşlik edir, hansı futboçunun oyununu bəyənir?
- Mən "Barselona" komandasının azarkeşiyəm. Pərəstiş
etdiyim futbolçu isə Zinəddin Zidandır.
- Sonda aprelin 3-də oynanılacaq
"Abşeron"- "Neftçi"İSM matçına proqnozunuzu bilmək maraqlı olardı.
- İnşallah hər oyunda olduğu kimi bu görüşə qələbə əzmi ilə çıxacağıq.
Bütün xəbərlər Facebook səhifəmizdə
USD
EUR
GBP
RUB