Bir ildən çoxdur zədə üzündən meydana çıxmayan yığmamızın və "Azərreyl" voleybol komandasının kapitanı Oksana Parxomenko yenidən oyunlarda iştirak edəcək. Siasport.az saytının məlumatına görə, Azərbaycan Super Liqası yarışlarının "İqtisadçı" ilə 8-ci turdan təxirə salınmış oyununda "Azərreyl"in ehtiyat oyunçuları arasında yer alan və meydançadakı komanda yoldaşlarını dəstəkləyən toppaylayıcı böyük ehtimalla martın 3-də voleybol həsrətinə son qoyacaq.
"Azərreyl"in baş məşqçisi Alessandro Kiappininin Superliqanın 17-ci turu çərçivəsində "Lokomotiv Biləcəri" ilə keçiriləcək görüşdə oyunqurucusuna şans verəcəyi gözlənilir.
Xatırladaq ki, O.Parxomenko ötən il yanvarın 17-də Çempionlar Liqası yarışlarının D qrupunun qarşılaşmasında zədələnib. Bakı İdman Sarayında "Tomis" ilə matçın ilk setinin sonlarında yerə düşərkən ayağı burxularaq diz bağlarını qıran voleybolçu cərrahiyyə əməliyyatından sonra uzun müddət bərpa kursu keçib.
Bütün xəbərlər Facebook səhifəmizdə
USD
EUR
GBP
RUB