Slovakiyanın "Jilina" klubunun idman direktoru Karol Belanik, Slovakiya mətbuatında bir sıra açıqlamalarla çıxış edib. Siasport.az saytı xəbər verir ki, Slovakiya klubunun idman direktoru, "Neftçi" - "Zestafoni" cütünün qalibi ilə qarşılaşmadan əvvəl, ilk öncə İsrail çempionu "İroni Kiryat" klubunu məğlub etmək barədə düşünür: "Artıq bu dəqiqdir ki, biz növbəti mərhələdə uzun səfərə çıxacağıq. Ancaq Gürcüstanla müqayisədə Azərbaycan bizə daha tanışdır. Bu ölkənin digər klubu "Bakı" ilə 7 il öncə qarşılaşmışdıq. Ancaq həmin vaxtdan bəri çox şey dəyişib. Mövsüm öncəsi komandaya 6 yeni futbolçu cəlb etmişik. Onlar hələ öz sözünü deməyiblər. İnanıram ki, növbəti mərhələyə adlasaq, bu futbolçuların nəyə qadir olacağını görəcəyik. Düşünürəm ki, "Neftçi" ilk oyunda 3:0 hesabı ilə qələbə qazandığından Azərbaycan çempionu növbəti mərhələyə daha yaxındır. Lakin heç bir rəqibdən çəkinmirik. Sonadək mübarizə aparmaq əzmindəyik".
Xatırladaq ki, "Jilina" klubu "İroni Kiryat"la evdə keçirdiyi ilk görüşdə 1:0 hesabı ilə qələbə qazanıb. Cavab matçı isə iyulun 24-də İsraildə keçiriləcək.
Bütün xəbərlər Facebook səhifəmizdə
USD
EUR
GBP
RUB