İsveçrənin Lütsern şəhərində akademik avarçəkmə üzrə Dünya Kubokunun III mərhələsinə yekun vurulub. Siasport.az saytı xəbər verir ki, nüfuzlu yarışda Azərbaycanı Nataliya Mustafayeva təmsil edib. Mustafayeva Dünya Kubokunun II təsnifat mərhələsində olduğu kimi, yenə medallar uğrunda mübarizə aparıb. O, qadınların mübarizəsində 1 nəfərlik qayıqla (W1X) 2000 metr məsafəyə yürüşdə əsas final həyəcanı yaşayıb.
Yarımfinalda 26 yaşlı avarçəkənimiz Mirka Knapkova (Çexiya), Emma Tviqq (Yeni Zelandiya), Donata Vistartayte (Litva), Fie Udbi Eriksen (Danimarka) və İva Obradoviçlə (Serbiya) münarizədə 3-cü yeri tutub. O, finişə 7 dəqiqə 49,85 saniyəyə çatıb. Bu nəticə ilə Mustafayeva həlledici mərhələyə yüksəlib.
Lakin əsas finalda təmsilçimiz ilk "3-lüy"ə, yəni mükafatçılar sırasına düşə bilməyib. 2000 metr məsafəni 8 dəqiqə 28,38 saniyəyə qət edən Mustafayeva 6-cı yeri tutub.
Texniki nəticələr
Dünya Kubokunun III mərhələsi
Qadınlar
1 nəfərlik qayıq (W1X)
Əsas final (Final A)
1. Emma Tviqq (Yeni Zelandiya) - 8:03,62
2. Siayunq Çanq (Çin) - 8:05,57
3. Mirka Knapkova (Çexiya) - 8:05,76
4. Yekaterina Karsten (Belarus) - 8:06,24
5. Frida Svensson (İsveç) - 8:12,12
6. Nataliya Mustafayeva (AZƏRBAYCAN) - 8:28,38
Bütün xəbərlər Facebook səhifəmizdə
USD
EUR
GBP
RUB