Azərbaycanın gənc taekvondoçuları Latviyada keçirilən G-1 kateqoriyalı Riqa açıq birinciliyində 13 medal qazanıblar.
SİA AZƏRTAC-a istinadən xəbər verir ki, yığmanın heyətində bütün rəqiblərinə qalib gələn İlyas Hətəmli (48 kiloqram), Məhəmməd Həsənli (51 kiloqram), Fuad Məhərrəmli (55 kiloqram) və Elcan Əliyev (78 kiloqram) fəxri kürsünün ən yüksək pilləsinə qalxıblar.
Yalnız finalda məğlub olan Nərgiz Kazımova (63 kiloqram) və Yunis Hüseynov (68 kiloqram) ikinci yeri tutublar.
Digər taekvondoçulardan Nilufər Borci (49 kiloqram), Sehri Cəlalova (55 kiloqram), Fatimə Həsənova (59 kiloqram), Harun Salmanzadə (51 kiloqram), Ziya Həsənli (59 kiloqram), Hüseyn Xudiyev (73 kiloqram) və Allahverdi Məmmədov (+78 kiloqram) isə bürünc mükafata layiq görülüblər.
Qeyd edək ki, milli komanda Bakıya sentyabrın 16-da qayıdacaq.
Bütün xəbərlər Facebook səhifəmizdə
USD
EUR
GBP
RUB