İtaliya və Ekvador milli futbol komandaları arasında baş tutmuş yoldaşlıq görüşü avropalıların inamlı qələbəsi ilə başa çatıb. SİA xəbər verir ki, ABŞ-nin Nyu-Cersi ştatındakı “Redd Bull Arena”da baş tutmuş matçı amerikalı arbitrlər briqadası idarə edib.
Oyunda sükut erkən pozulub: “Roma”nın yarımmüdafiəçi Lorentso Pelleqrini İtaliyanı hesabda irəli çıxarır. Erkən qol oyunda böyük hesabın olacağına ümid versə də, növbəti qol ümumi vaxta əlavə edilmiş dördüncü dəqiqədə vurulub: Milan “İnter”inin 27 yaşlı yarımmüdafiəçisi Nikolo Barella fərqlənərək yekun hesabı müəyyənləşdirib – 2:0, İtaliya qələbə qazanıb.
Qarşılaşmada 4 sarı vərəqə də qeydə alınıb. 38-ci dəqiqədə italiyalı Jorjinyo xəbərdarlıq alıb, 66-cı dəqiqədə Nikolo Dzaniolo qarşısında sarı vərəqə görüb, 74-cü dəqiqədə isə hakim Canluka Mançiniyə sarı vərəqə göstərib. 89-cu dəqiqədə Ekvadorun “Bayer 04”də çıxış edən mərkəz müdafiəçisi Pyero İnkapi sarı vərəqə alıb.
Xatırladaq ki, martın 22-də İtaliya millisi Venesuela ilə yoldaşlıq oyunu keçirib (2:1). Həmin gün Ekvador Qvatemala komandasına 2:0 hesabı ilə qalib gəlib.
Bütün xəbərlər Facebook səhifəmizdə
USD
EUR
GBP
RUB