Azərbaycanın daha bir boksçusu İtaliyanın Busto Arsizio şəhərində keçirilən I Dünya Olimpiya Təsnifat Turnirində mərhələ adlayıb. SİA xəbər verir ki, 71 kiloqram çəkidə lisenziya uğrunda mübarizə aparan Sərxan Əliyev 1/32 final mərhələsində döyüşünü qələbə ilə başa vurub.
Dünya çempionatının mükafatçısı Elabidine Amrouq Zineni (Mərakeş) məğlub edib. S.Əliyev qələbəsini 2 raundun yekununa əsasən rəsmiləşdirib. Buna rəqibin qaşından zədə alması səbəb olub.
Boksçumuz 1/16 finalda litvalı Aleksandr Trofimçukla üz-üzə gələcək. Görüş martın 7-də baş tutacaq.
Əliyevədək Nicat Hüseynov (51 kiloqram), Ümid Rüstəmov (57 kiloqram), Tayfur Əliyev (63,5 kiloqram) və Zeynəb Rəhimova (54 kiloqram) da mərhələ adlayıb.
Qeyd edək ki, martın 11-də yekun vurulacaq lisenziya turnirinə Azərbaycan yığması 9 boksçu ilə yollanıb.
Bütün xəbərlər Facebook səhifəmizdə
USD
EUR
GBP
RUB