"Azərbaycan məişətində XX əsrin ortalarına qədər çox geniş istifadə olunan nehrəni iki üsulla hazırlayırlar. Taxtadan hazırlamaq üçün palıd ağacından 1,5 və ya 2 metr uzunluğunda tir kəsilir və tirin içərisini nehrəgir vasitəsi ilə oymaqla düzəldirlər. Digər üsul aran rayonlarında, əsasən, meşə zəif olan yerlərdə gildən küpəyə oxşar şəkildə hazırlayırlar". Bu sözləri SİA-ya açıqlamasında qida üzrə baş mütəxəssis Ağa Salamov deyib.
Onun sözlərinə görə, nehrəyə tökülən qatıq və bir qədər ilıq su havanın temperaturundan asılı olaraq müəyyən vaxta qədər çalxalanır: "Bu vaxt yağ ayrandan ayrılır. Soyuq havada yağ gec başa gəlsə də, miqdarı daha çox olur. Yağ ayrıldıqdan sonra nehrə qazana boşaldılır və içindəki yağ toplanır. Təmiz nehrə yağını ayırd etmək üçün, ilk növbədə, qoxusuna diqqət etməliyik. Nehrə yağını əridən zaman qazandakı yağ buxar olub, havaya sovrulursa və əvəzində ətrafa sərt qoxu yayılırsa, şübhələnməlisiniz. Əsl nehrə yağı əridiləndə tünd sarı rəng almalı və xoş qoxu verməlidir. Təbii nehrə yağı əridilərkən bərabər şəkildə əriməlidir. Saxta olanların səthində damcılar əmələ gəlir. Bu, palma yağına və ya marqarinə aid xüsusiyyətdir. Təbii nehrə yağı soyuqdan isti mühitə düşdükdə sərtliyini itirmir, amma palma və marqarin tərkibli yağlar mətbəx havasında yumşalır və əriməyə başlayır. Keyfiyyətli nehrə yağı möhkəm və əllə toxunduqda hamar olur. Kəsildikdə qatlara bölünmür və parlaq görünür. Təbii nehrə yağı soyuducudan çıxarılan kimi parçalanmamalıdır".
Ağa Salamov fikirlərinə davam edərək həmçinin qeyd edib ki, nehrə yağı orqanizmdə maddələr mübadiləsini gücləndirir, enerji və güclə təmin edir. Qanda pis xolestrinə çevrilmir, sinir sistemi üçün də çox faydalıdır. Nehrə yağının tərkibi xeyirli xolesterin olduğu üçün ürəkdə damar tıxanıqlığı yaratmır və infarkt riski yaratmır. İnsan orqanizmi üçün olduqca vacibdir. Nehrə yağının tərkibi 80%-i süddən ibarətdir və bu da o deməkdir ki, yağın tərkibində müxtəlif turşular və vitaminlər var".
Arzu Qurbanzadə
Bütün xəbərlər Facebook səhifəmizdə
USD
EUR
GBP
RUB
