Sumqayıtda karantin rejimini pozulması ilə bağlı 155 inzibati protokol tərtib olunub

Sumqayıt polisi Nazirlər Kabineti yanında Operativ Qərargahın qərarına uyğun olaraq, iyunun 6-da saat 00:00-dan başlayaraq şəhərin bütün küçə, prospekt və yollarına tam nəzarət edir.

SİA xəbər verir ki, bunu Sumqayıt Şəhər Polis İdarəsinin rəisi, polis polkovniki Nəriman İmanov deyib. O bildirib ki, indiyədək karantin rejimini pozulması ilə bağlı 155 inzibati protokol tərtib olunub. Protokollardan 10-u tibbi maskadan istifadə edilməməsinə, digərləri isə küçəyə icazəsiz çıxılmasına görə yazılıb. Xüsusi karantin rejiminin tələblərini pozan 3 nəfərə 15 sutkalıq inzibati həbs cəzası verilib. Polis sərtləşdirilən məhdudlaşdırılma tədbirləri çərçivəsində sakinlərdən daxil olan bütün müraciətlərə həssas yanaşır.

Bütün xəbərlər Facebook səhifəmizdə