Erməni işğalçılarının dinc əhaliyə qarşı həyata keçirdiyi soyqırımdan 28 il ötür.
Azərbaycan Respublikası, Xocavənd rayonunun Qaradağlı kəndi erməni işğalçılarına qarşı 4 il qəhrəmanlıqla mübarizə aparıb. Kənd 1992-ci il fevralın 17-də işğal edilərək yandırılıb, erməni işğalçıları dinc əhaliyə qarşı soyqırımı həyata keçirib. 28 il əvvəl burada törədilən qətliam, kənd sakinlərinə verilən işgəncələr 200 ilə yaxın bir müddətdə erməni millətçilərinin azərbaycanlılara qarşı həyata keçirdiyi etnik təmizləmə və soyqırımı siyasətinin davamı, Azərbaycan türklərinə bəslədikləri nifrətin nəticəsi idi.
Qaradağlı kəndi Xocavənd rayon mərkəzindən 13 kilometr qərbdə, Xocavənd-Xankəndi avtomobil yolunun kənarında, dağətəyi ərazidə yerləşir. 1988-ci ildə Dağlıq Qarabağda erməni separatçılarının baş qaldırdığı vaxt Xocavənd rayonunun Qaradağlı kəndinin də faciəli günləri başladı. Kəndin sakinləri böyüyüb boya-başa çatdıqları doğma yurdun hər qarışı, hər daşı uğrunda mübarizəyə qalxdı, onlarla kənd sakini ermənilərə qarşı qeyri-bərabər döyüşlərdə şəhid olub.
1990-cı il noyabrın 24-də 3 nəfər kənd sakini Xocavənd-Xankəndi yolunun 6-cı kilometrliyində erməni quldurları tərəfindən vəhşicəsinə qətlə yetirildi. 1991-ci il yanvarın 9-da kəndə gələn UAZ markalı avtomaşın ermənilər tərəfindən atəşə tutuldu, bir nəfər öldürüldü, 4 nəfər yaralandı. Onlardan 2-si sonralar aldığı yaralardan dünyasını dəyişdi. Ermənilər 1991-ci il martın 8-də kəndin yaxınlığında 2 nəfəri vəhşicəsinə qətlə yetirdilər. Həmin il iyunun 28-də kəndin yanındakı fermada 6 sakin - 3 kişi və 3 qadın diri-diri yandırıldı. 1991-ci il sentyabrın 8-də Ağdamdan Qaradağlıya gələn sərnişin avtobusu Xocavənd-Xankəndi yolunun 5-6-cı kilometrliyində erməni quldurları tərəfindən atəşə tutuldu. Avtobusdakı 40 nəfərə yaxın sərnişindən * nəfəri (2 kişi, 6 qadın) həlak oldu. 1992-ci il yanvarın 8-də kəndin yaxınlığında daha bir azərbaycanlı vəhşicəsinə qətlə yetirildi, 100-ə yaxın qoyun ermənilər tərəfindən qənimət kimi aparıldı.
1991-ci il dekabrın 19-da Xocavənd kəndi, 1992-ci il fevralın 12-də isə Şuşanın Malıbəyli kəndi işğal edilərək yandırıldı. Növbəti hədəf Qaradağlı idi. Kənddə vəziyyət getdikcə çətinləşir, faciənin törədiləcəyi gün yaxınlaşırdı.
1992-ci il fevralın 14-də erməni quldurları xarici muzdluların, xüsusilə Xankəndidə yerləşən sovet ordusunun 366-cı alayının texnikasından və canlı qüvvəsindən istifadə etməklə əlaqəsi hər tərəfdən kəsilmiş, köməksiz qalan Qaradağlı kəndinə hücuma keçdilər. Kənddə olan 104 sakin və 14 əsgər sonuncu gülləyə qədər 4 gün düşmənlə mübarizə apardı. Döyüşlərdə biri qadın olmaqla, 14 nəfər həlak oldu. Silah–sursatı tükənən soydaşlarımız sonda ermənilər tərəfindən əsir götürüldülər və onların növbəti məşəqqətləri başlandı.
Kəndin Bəylik bağı adlanan ərazisində 23 sakin erməni cəlladları tərəfindən güllələndi, əksəriyyəti yaralı halda diri-diri silos quyusunda basdırıldı. Əsirlərin bir hissəsi Qaradağlı-Xankəndi yolu üzərində yerləşən erməni kəndlərində maşınlardan düşürülərək güllələndi. İki nəfər Zəki bulağında, 2 nəfər Cəmiyyət kəndində öldürüldü. Girovluqda olan 8 kənd sakinini ermənilər əzab və işgəncələr verərək amansızlıqla qətlə yetirdilər. Dörd nəfər müxtəlif vaxtlarda şəhid oldu. Beş nəfərin taleyi bu günə qədər məlum deyil.
Beləliklə, 1992-ci il fevralın 17-də Qaradağlı kəndi erməni silahlıları tərəfindən işğal olunaraq yandırıldı. İşğal zamanı 118 nəfər əsir götürülüb, 33 nəfər güllələnib. Erməni cəlladları öldürülənləri və yaralıları bir yerdə təsərrüfat quyusuna töküb, üzərini torpaqlayıblar. Ümumilikdə əsir götürülənlərdən 68 nəfəri öldürülüb, 50 nəfəri böyük çətinliklərlə əsirlikdən azad edilib. Əsir götürülənlərdən 10-u qadın, 2-si məktəbli olub. Azad olunanlardan 18 nəfəri aldıqları sağalmaz yaralardan sonralar vəfat edib. Əsirlikdə saxlanılanlara qarşı vəhşi, vandalizm hərəkətləri ilə davranılması, insanların başlarının kəsilməsi, diri-diri basdırılması, dişlərinin çəkilməsi, ac-susuz saxlanmaları, döyülərək öldürülmələri insanlığa qarşı törədilmiş cinayət hadisəsi idi. Ermənistanın dövlət səviyyəsində həyata keçirdiyi soyqırımı cinayəti nəticəsində Qaradağlı kəndində iki ailənin hər birindən 4 nəfər qətlə yetirilib, 43 ailə başçısını itirib, 146 uşaq yetim qalıb. Qaradağlı kəndində 91 nəfər, kənd sakinlərinin hər 10 nəfərindən biri qətlə yetirilib. İşğal nəticəsində kənddə 200 ev, 1 mədəniyyət evi, 320 yerlik orta məktəb binası, 25 çarpayılıq xəstəxana binası və digər obyektlər, azərbaycanlılara məxsus tarixi, dini, mədəni abidələr və qəbiristanlıq dağıdılıb. Kəndin 800 nəfərə yaxın sakini məcburi köçkün düşüb.
Qaradağlı faciəsinin dünya ictimaiyyətinə çatdırılması məqsədilə “Soyqırımı: Qaradağlı”, “Soyqırımı Qaradağlı: davam edir...” və “Qaradağlı, mübarizə” sənədli filmləri çəkilib, “Qaradağlı soyqırımı şahidlərin dili ilə” adlı kitab hazırlanıb. Bundan başqa, şəhidlərin xatirəsini əbədiləşdirmək üçün Yeni Qaradağlı, Yeni Xocavənd qəsəbələrində və Nərgiztəpə ərazisində abidə kompleksləri ucaldılıb.
Bütün xəbərlər Facebook səhifəmizdə
Digər xəbərlər

Xəbər lenti
DİQQƏT: Sabahdan hava pisləşir? - QURUM RƏSMİSİ
Sosial 15:58Aktrisa Serenay Sarıkayanın doğum günüdür - FOTOLAR
Şou-Biznes 15:52Türkiyədə zəlzələ olub
Dünya 15:39Milli Məclisin deputatı ATƏT PA-nın Komitə sədri seçilib
Siyasət 15:27"Zirə" yeni futbolçu transfer edib
İdman 15:16DİQQƏT: Artıq "Telegram"da bu funksiyalar var
Texnologiya 15:12İlham Əliyevin Şavkat Mirziyoyevlə təkbətək görüşü olub
Siyasət 15:02Birbank Bahar lotereyasının qaliblərinə hədiyyələr təqdim olundu
İqtisadiyyat 14:50Yekaterinburqda daha bir nəfər həbs edilib
Hadisə 14:35Energetika naziri İsmayıllıda vətəndaşları qəbul edəcək
İqtisadiyyat 14:33Acun ilk dəfə hakim qarşısına çıxdı
Şou-Biznes 14:30Şavkat Mirziyoyev Bakıda "Özbəkistan" parkını açacaq
İqtisadiyyat 13:50Qazaxıstanın Baş naziri Xankəndiyə gəlir
Siyasət 13:14Rusiyada 5,2 bal gücündə zəlzələ oldu
Dünya 13:13DİN rəhbərliyi Heydər Əliyevin məzarını ziyarət edib
Siyasət 12:50Sabah hava küləkli olacaq
Sosial 12:38“Üfüq” müsabiqəsinin qaliblərinin adları açıqlanıb
İqtisadiyyat 12:36“Neftçi” iki yeni futbolçu ilə anlaşıb
İdman 12:35“Qarabağ” Avstriyaya yollandı
İdman 12:26İvan Rakitiç “Zirə” ilə matçlarda oynamayacaq
İdman 12:10Şimali Kipr Prezidenti Azərbaycana səfərə gəlib - FOTO
Siyasət 12:08Şuşada 6-cı ECO biznes-forumu keçirilir
Sosial 11:16Mirziyoyev Azərbaycana yola düşdü
Siyasət 10:50Ötən gün 2 tondan artıq çətənə kolu məhv edilib
Hadisə 10:43Ziyəddin Səfərov OMON-çuların maşınında ölüb
Hadisə 10:39Dünya bazarında qızıl və gümüş ucuzlaşıb
İqtisadiyyat 10:27Pezeşkianın Azərbaycana gələcəyi təsdiqləndi
Siyasət 10:20Azərbaycan nefti bahalaşıb
İqtisadiyyat 09:37Laçında İqtisadi Əməkdaşlıq Təşkilatının Qadınlar Forumu keçirilir
İqtisadiyyat 09:01Defne Samyeli 53 yaşını qeyd edib - FOTOLAR
Şou-Biznes 08:40Bakının bir sıra yollarında tıxac yaranıb - SİYAHI
Sosial 08:21Külək, yağış, şimşək... - Bu günün HAVASI
Sosial 07:39"Real”ın planı dəyişdi
İdman 07:14Pentaqondan Ukraynaya böyük şok
Dünya 06:45Özəl xəbərlər
Digər xəbərlər
Redaktorun seçimi
Köşə yazıları
Populyar
Valyuta məzənnəsi
-
USD 1,7000
0,00%
-
EUR 2,0054
+0,09%
-
GBP 2,3364
+0,02%
-
RUB 2,1663
-0,20%