YAP Səbail rayon təşkilatı hesabat-seçki yığıncaqlarını davam etdirir

Bu gün YAP Səbail rayon təşkilatı “İzzət Nəbiyev küçəsi 11” ərazi ilk partiya təşkilatının hesabat-seçki yığıncağı keçirilib. SİA xəbər verir ki, ərazi ilk partiya təşkilatının sədri İradə Hüseynova hesabat məruzəsi ilə çıxış edərək təşkilatın VI qurultayından sonraki dövr ərzində gördüyü işlərdən və qarşıda duran vəzifələrdən danışıb.

Bildirib ki, təşkilatdakı YAP üzvləri istər ölkə səviyyəsində keçirilən tədbirlərdə, istərsə də rayon tədbirlərində fəal iştirak edirlər. Hesabat məruzəsi ətrafında geniş müzakirələr aparılıb və ərazi ilk partiya təşkilatının hesabatı qənaətbəxş hesab olunaraq qəbul edilib.

Daha sonra partiya təşkilatının rəhbər orqanlarının yeni tərkibi seçilib.

Yığıncaqda çıxış edən YAP Səbail rayon təşkilatının sədri Muxtar Nağıyev hesabat məruzəsini və ilk partiya təşkilatının fəaliyyətini qənaətbəxş qiymətləndirib. YAP-ın sədri cənab Prezident İlham Əliyevin təhsil sahəsində apardığı düşünülmüş və məqsədyönlü siyasətdən danışan M.Nağıyev bildirib ki, ölkəmizdə neft kapitalının insan kapitalına çevrilməsi üçün əsaslı işlər görülür, təhsil ocaqlarımızın maddi-texniki təchizatının yaxşılaşdırılması, yeniləşdirilməsi hər zaman ölkə başçısı İlham Əliyevin və ölkənin birinci xanımı Mehriban Əliyevanın diqqət mərkəzindədir.

M.Nağıyev bildirib ki, 44 günlük vətən müharibədə Prezident İlham Əliyev heç bir xarici təyziqlərə məhəl qoymadı: "Prezident İlham Əliyevin ölkəyə rəhbərlik etdiyi 2003-cü ildən bu vaxtadək olan müddət Azərbaycan tarixinə hərtərəfli və sürətli inkişaf dövrü kimi daxil olub. Şübhəsiz, sosial-siyasi sabitliyin qorunması, mövcud iqtisadi inkişaf, hərtərəfli tərəqqi heç də asan məsələ deyildi. Silahlı Qüvvələrin Ali Baş Komandanı cənab İlham Əliyevin elan etdiyi "Qarabağ Azərbaycandır və nida" şüarı xalqımızı qələbəyə səsləyən rəhbər çağırışı oldu. 44 gün davam edən Vətən müharibəsində cəmiyyətimizin nümayiş etdirdiyi möhtəşəm səfərbərlik xalqımızın dövlət başçısının ətrafinda sıx birləşdirdi".

.M.Nağıyyev yeni seçilmiş sədr və müavini təbrik edərək, AMEA-nın Molekulyar Biologiya və Biotexnologiyalar İnstitutu elmi işlərində uğurlar arzulayıb, İclas iştirakçılarını partiyanın fəaliyyətində daha da yaxından iştirak etməyə çağırıb.

Bütün xəbərlər Facebook səhifəmizdə

loading...