Milli Məclisin gələcək iclasları onlayn qaydada keçirilə bilər

"Bu gün koronavirus infeksiyası dünyanın 190-dan çox ölkəsinə yayılıb. Azərbaycan Prezidentinin və Birinci vitse-prezidentin tapşırıqları ilə bu infeksiyanın ölkəmizdə yayılmasının qarşısının alınması məqsədilə qabaqlayıcı tədbirlər həyata keçirilir". SİA xəbər verir ki, bu fikirləri Milli Məclisin martın 30-da keçirilən iclasında Sədr Sahibə Qafarova deyib.

O bildirib ki, Milli Məclis də koronavirusla mübarizə çərçivəsində xüsusi iş rejimində fəaliyyət göstərir.

"Milli Məclisin gələcək iclaslarını da onlayn qaydada keçirməyi planlaşdırırıq", - deyə Sədr əlavə edib.

Koronavirusun yayılmasının qarşısının alınması məqsədilə əksər iş yerlərinin, təhsil ocaqlarının fəaliyyəti dayandırılıb. Prezidentin təşəbbüsü ilə Koronavirusla Mübarizəyə Dəstək Fondu yaradılıb. Bu Fonda müxtəlif qurumlar, şəxslər tərəfindən maliyyə vəsaitləri köçürülür. Milli Məclis tərəfindən də bu Fonda 250 min manat vəsait ianə edilib.

Müəllif: Nigar Məmmədova

Bütün xəbərlər Facebook səhifəmizdə

loading...