Moskvada Rusiya Prezidenti Vladimir Putinin 15-ci illik böyük mətbuat konfransı başlayıb. SİA-nın verdiyi məlumata görə, bu il onun böyük mətbuat konfransı ötənilki rekordu qırıb: konfransa 1895 xarici və Rusiya KİV nümayəndəsi akkreditə olunub. Azərbaycandan da mətbuat konfransında iştirak edən jurnalistlər var.
Mətbuat konfransında Azərbaycan KİV-dən həmçinin İctimai Televiziya akkreditasiya alıb. "Rossiya1", "Rossiya24", Birinci Kanal, NTV, həmçinin "Mayak", "Vesti FM" və "Radio Rossiya" radiostansiyaları mətbuat konfransını canlı yayımlayacaqlar.
Qeyd edək ki, V.Putinin ən qısa çəkən - 1 saat 35 dəqiqə davam edən mətbuat konfransı 2001-ci ildə jurnalistlərlə ilk görüşündə, ən uzunmüddətlisi (4 saat 40 dəqiqə) isə 2008-ci ildəki mətbuat konfransında qeydə alınıb. 2004-cü ildən bəri Rusiya dövlət başçısının jurnalistlərlə ünsiyyəti hər il 3 saatdan çox davam edir.
Bütün xəbərlər Facebook səhifəmizdə
USD
EUR
GBP
RUB