"Azərbaycanda sosial evlərin tikintisini artırmaq lazımdır" DEPUTAT

"Azərbaycanda sosial evlərin tikintisini artırmaq lazımdır, çünki indiyə qədər tikilən sosial evlər böyük maraq doğurub". SİA-nın məlumatına görə, bunu Milli Məclisin deputatı Aydın Mirzəzadə parlamentin bu gün keçirilən plenar iclasında deyib. Deputat Azərbaycanın regionlarında da sosial evlərin tikilməsini zəruri hesab edib: "Maliyyə Nazirliyinə təklif edirəm həm paytaxda evlərin tikintisini artırsın, eyni zamanda regionalarda sosial evlərin tikintisinə başlanılsın". Deputat həmçinin ipoteka kreditlərinin faizlərinə yenidən baxılmasını təklif edib: "Hesab edirəm ki, paytaxtda və regionlarda ipoteka faizinin dəyişməsi məqsədəuyğundur. Regionda əhalinin gəliri paytaxatdakı qədər deyil. Ona görə də regionlarda ipoteka faizlərinin aşağı salınmasını təklif edirəm".

Müəllif: Nailə Məhərrəmova

Bütün xəbərlər Facebook səhifəmizdə