"Sardarapat" təşəbbüs qrupunun üzvü, Qarabağın işğalında iştirak etmiş Jirayr Sefilyan gözlənilən açıqlamanı verib. SİA-nın "tert.am" saytına istinadən verdiyi xəbərə görə, keçmiş döyüşçü bildirib ki, Yaxın Şərq ölkələrində bir-birini əvəzləyən nümayişlər Ermənistanı da bürüyəcək: "Biz hazırda ölkənin diktator rejimi ilə idarə edənlərin hakimiyyətdən devrilməsinin şahidi oluruq. Ermənistanda da nümayişlərin olması qaçılmazdır. Ən kiçik məsələdən bu prosesin başlaması mümkündür. Burada nümayişlərin başlanmasına ən əsas səbəb insan hüquqlarının tapdanması, şəxslərin şərəf və ləyaqətinin alçaldılması, Dağlıq Qarabağ problemi, əhalinin sosial-iqtisadi vəziyyətinin yaxşı olmaması olacaq".
Levon Ter-Petrosyanın 18 Fevralda keçirilən nümayiş zamanı "Əhali artıq o qədər cana yığılıb ki, həm Ermənistandan, həm də Dağlıq Qarabağdan vaz keçə bilər" sözlərinə münasibət bildirən Jirayr Sefilyan vurğulayıb ki, bu tamamilə düzgün fikirdir: "Ermənistanda yaşayan əhali mövcud olan problemlərə görə cana gəlib. Bizə mütləq hakimiyyətdə sistemli dəyişiklik lazımdır".
Bütün xəbərlər Facebook səhifəmizdə
USD
EUR
GBP
RUB