"Ukraynanın xilası Komitəsi"nin sədri, ölkənin sabiq baş naziri Nikolay Azarov mühacirət hökumətinin yaradılmasının mümkünlüyü barədə danışıb. SİA "İzavestiya" qəzetinə istinadən xəbər verir ki, Azarov bunu Moskvanın Doroqomiolovsk məhkəməsinin 2014-cü ildəki Kiyev hadisələrini (Maydan inqilabı-red.) dövlət çevrilişi kimi qiymətləndirilməsindən sonra deyib. "Mühacirət hökumətinin yaranması üçün, şərait və vəziyyət inkişaf etməlidir. İlk növbədə bu şərait Ukraynanın özündə inkişaf etməlidir"-deyə sabiq baş nazir bildirib.
Azarovun sözlərinə görə, hazırkı "yuxarılar" hakimiyyəti "qeyri-qanuni şəkildə zəbt edib" və "faktiki olaraq öz funksiyalarını həyata keçirə bilmir". "Şərait yaransa, xalq da alternativ hakimiyyət tələb edəcək"-eks-baş nazir deyib.
O həmçinin bildirib ki, Moskva məhkəməsinin mövcud qərarından sonra onlar həm beynəlxalq məhkəmə instansiyalarına, həm də Ukrayna məhkəmələrinə müraciət edəcəklər.
Rövşən Nurəddinoğlu
Bütün xəbərlər Facebook səhifəmizdə
USD
EUR
GBP
RUB