"Azərbaycanın suverenliyi və ərazi bütövlüyünə hörmətlə yanaşılmalıdır". SİA-nın məlumatıan görə, bunu Avropa Parlamentinin üzvü, Avropa Liberallar və Demokratlar Alyansının (ALDA) vitse-prezidenti Avropa Azərbaycan Cəmiyyətinin (AAC) Ermənistan-Azərbaycan, Dağlıq Qarabağ münaqişəsinə dair sorğusuna cavab verərkən bildirib.
O qeyd edib ki, Avropa Dağlıq Qarabağ münaqişəsinin razılaşdırılmış prinsiplər əsasında ədalətli həllinə tərəfdardır. Millət vəkilinin sözlərinə görə, öz ictimai və iqtisadi potensialını reallaşdırmaq üçün hər şeydən əvvəl region ölkələrinin təhlükəsizliyi təmin olunmalı və onlar öz qonşuları ilə sülh şəraitində yaşamalıdır.
R.Manesku vurğulayıb ki, davamlı əməkdaşlığın qurulması, regionun inkişaf edə bilməsi və konfliktin sülh yolu ilə həllinə nail olunması məqsədilə münaqişə iştirakçılarına hər cür zorakılığa və hərbi müdaxiləyə son qoymaq istiqamətində köməklik göstərməkdən ötrü təcili güclü öhdəçiliyə ehtiyac vardır: "Avropa Parlamentinin üzvü və ALDA partiyasının vitse-prezidenti kimi, mən inanıram ki, Azərbaycanın suverenliyi və ərazi bütövlüyünə, eləcə də məcburi köçkünlərin öz torpaqlarına qayıtmasına, mülkiyyət hüququ və şəxsi təhlükəsizliyinə hörmətlə yanaşılmalıdır. Odur ki, hər şeydən əvvəl mən, həm Ermənistan, həm də Azərbaycan rəhbərliyindən gözləyirəm ki, onlar öz vətəndaşlarının əsas prioritetlərinin nə olduğunu başa düşərək, münaqişənin son qoyulmasına dair razılığa gəlsinlər və öz xalqlarının əmin-amanlığına və firavan yaşamalarına təminat versinlər. Avropa İttifaqı (Aİ) ATƏT-in Minsk Qrupu vasitəsilə beynəlxalq vasitəçilik cəhdlərini dəstəkləyir və münaqişənin davamlı və sülh yolu ilə həllində öz rolunu oynamağa hazır olduğunu bildirir.
Şərq Tərəfdaşlığı çərçivəsində biz Cənubi Qafqaz ölkələri və Aİ arasında iqtisadi inteqrasiya və siyasi əməkdaşlıq prosesini daha da inkişaf etdirə bilərik".
Bütün xəbərlər Facebook səhifəmizdə
USD
EUR
GBP
RUB