"Beynəlxalq təşkilatların seçkiləri qiymətləndirməsi vacibdir, ancaq əsas məsələ Azərbaycan xalqının seçkilərdən razı qalmasıdır". SİA-nın məlumatına görə, bunu bu gün dairə seçki komissiyaları (DSK) sədrləri üçün seçki hüququ üzrə ixtisaslaşdırılmış kursların açılış mərasimindəki çıxışı zamanı ATƏT-in Bakı ofisinin rəhbəri Koray Tarqay bildirib.
ATƏT-in Bakı ofisinin rəhbəri deyib ki, Azərbaycanın qoşulduğu beynəlxalq sənədlərdə azad və demokratik seçkilərin keçirilməsi də öz əksini tapıb. Bundan əvvəlki seçkilərdə də müsbət irəliləyişlər qeydə alınıb: "Dövlət başçısı İlham Əliyevin 2006-cı və 2011-ci ildə imzaladığı sərəncamlar Azərbaycanda demokratik və azad seçkilərin keçirilməsi üçün lazımi zəmin yaradıb. Bu, asan proses deyil və idarəçiliyi tək qanunlarla həyata keçirmək mümkün deyil. İndiyə qədər görülən işləri müsbət qarşılamalıyıq. Çünki ciddi irəliləyişlər var. Amma bunlar yetərli deyil. Seçkilər təcrübədir və bu baxımdan Azərbaycanda daha yaxşı seçkilərin keçirilməsi üçün təcrübə toplanıb".
K.Tarqay sözlərinə əlavə edib ki, ATƏT-in vəzifəsi seçki hazırlıqlarına yardımçı olmaq və əməkdaşlıq etməkdir: "Bu addımları birlikdə atacağıq. MSK və Prezident Administrasiyası ilə birgə həyata keçirəcəyimiz proqramlar var. Cəmiyyətin bütün təbəqələrini seçkilərə cəlb etməyə çalışmalıyıq. Azərbaycanın müxtəlif bölgələrində bununla bağlı tədbirlər keçirəcəyik. DSK və məntəqə seçki komissiyalarının birbaşa vəzifəsi seçicilərin ayrı-ayrılıqda razı salınmasıdır. Başqa ölkələrdəki ən yaxşı seçki təcrübələrindən istifadə etmək lazımdır".
Elvin Abdulqədirov
Bütün xəbərlər Facebook səhifəmizdə
USD
EUR
GBP
RUB