\"Hərbi tərəfdaşlığa dair əməliyyat planının (İPAP) üçüncü mərhələsinə artıq başlanılıb\". SİA-nın xəbərinə görə, bunu Azərbaycanın NATO yanında Nümayəndəliyinin rəhbəri Xəzər İbrahim məlumat verib. Onun sözlərinə görə, burada Azərbaycanın maraqları tam şəkildə təmin olunub və heç bir problem yoxdur: "Həm İPAP, həm də digər proqramlar çərçivəsində NATO ilə yaxşı əməkdaşlıq edirik. NATO-Azərbaycan əməkdaşlığında heç bir qüsur yoxdur".
X.İbrahim bildirib ki, İPAP-la bağlı siyasi bəyanatda heç bir dəyişikliyə yol verilməyib və orada Azərbaycanın maraqlarına aid məqamlar əks olunub. Sənəddə müdafiə, ictimai diplomatiya, mülki müdafiə, sərhəd təhlükəsizliyi və digər bu kimi məsələlər var: \"Azərbaycan inkişaf edir və bu da İPAP-da öz əksini tapır. NATO dəfələrlə Azərbaycanın İPAP çərçivəsində öhdəliklərini müsbət yerinə yetirdiklərini bildirib. İPAP-ın yerinə yetirilməsi bizim öz marağımızdadır. Çünki bu, Azərbaycan dövlətinin gücləndirilməsidir. Biz ona görə NATO ilə birgə işləyirik ki, müxtəlif sahələrdə öz qabiliyyətlərimizi inkişaf etdirək".
Bütün xəbərlər Facebook səhifəmizdə
USD
EUR
GBP
RUB